ہر اک شکست کو اے کاش اس طرح میں سہوں — آزاد گلاٹی
شاعر
ہر اک شکست کو اے کاش اس طرح میں سہوں
ہر اک شکست کو اے کاش اس طرح میں سہوں
فزوں ہو اور بھی دل میں تری طلب کا فسوں
تمہارے جسم کی جنت تو مل گئی ہے مگر
میں اپنی روح کی دوزخ کا کیا علاج کروں
ہنسا ہوں آج تو مجبور تھا کہ تیرے حضور
مجھے یہ ڈر تھا اگر چپ رہا تو رو نہ پڑوں
تمام عمر نہ بھٹکے کہیں تو میری طرح
ہوں کشمکش میں جو کہنا ہے وہ کہوں نہ کہوں
نہ اب پکار مجھے مدتوں کی دوری سے
ترے قریب نہیں ہوں کہ تیری بات سنوں
تری تلاش کو نکلوں گا اس سے پہلے مگر
میں تیری یاد کے صحرا میں خود کو ڈھونڈ تو لوں
وہ دیکھ لے تو نہ روئے بنا رہے آزادؔ
میں سوچتا ہوں کہ اک بار خود پہ یوں بھی ہنسوں
Har ik shikast ko ae kaash is tarah main sahoon
Har ik shikast ko ae kaash is tarah main sahoon
Fuzoon ho aur bhi dil mein teri talab ka fasoon
Tumhare jism ki jannat to mil gai hai magar
Main apni rooh ki dozakh ka kya ilaaj karoon
Hansa hoon aaj to majboor tha ke tere huzoor
Mujhe yeh dar tha agar chup raha to ro na padun
Tamaam umr na bhatke kahin tu meri tarah
Hoon kashmakash mein jo kehna hai woh kahun na kahun
Na ab pukaar mujhe muddaton ki doori se
Tere qareeb nahin hoon ke teri baat sunoon
Teri talaash ko niklunga is se pehle magar
Main teri yaad ke sehra mein khud ko dhoond to loon
Woh dekh le to na roye bana rahe Azad
Main sochta hoon ke ik baar khud pe yoon bhi hansoon
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں