جو غم میں جلتے رہے عمر بھر دیا بن کر — آزاد گلاٹی
شاعر
جو غم میں جلتے رہے عمر بھر دیا بن کر
جو غم میں جلتے رہے عمر بھر دیا بن کر
بجھا گئی ہے انہیں موت اب ہوا بن کر
وہ خامشی جو تری بزم نے ہمیں بخشی
خلائے ذہن میں گونجی ہے اک صدا بن کر
جو تو نے مجھ کو غم لا زوال بخشا تھا
وہ زندگی میں رہا میرا رہنما بن کر
وہ جن کے لمس سے تو کھل کے پھول بنتا تھا
وہ اب بھٹکتے ہیں در پر ترے صبا بن کر
جب ان کی بزم سے لوٹے تو خود کو پہچانا
وہاں سے آئے ہم آزادؔ کیا سے کیا بن کر
Jo gham mein jalte rahe umr bhar diya ban kar
Jo gham mein jalte rahe umr bhar diya ban kar
Bujha gai hai unhein maut ab hawa ban kar
Woh khamoshi jo teri bazm ne hamein bakhshi
Khala-e-zehn mein goonji hai ik sada ban kar
Jo tu ne mujh ko gham la-zawaal bakhsha tha
Woh zindagi mein raha mera rahnuma ban kar
Woh jin ke lams se tu khul ke phool banta tha
Woh ab bhatakte hain dar par tere saba ban kar
Jab un ki bazm se laute to khud ko pehchana
Wahan se aaye hum Azad, kya se kya ban kar
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں