کرب ہرے موسم کا تب تک سہنا پڑتا ہے — آزاد گلاٹی
شاعر
کرب ہرے موسم کا تب تک سہنا پڑتا ہے
کرب ہرے موسم کا تب تک سہنا پڑتا ہے
پت جھڑ میں تو پات کو آخر جھڑنا پڑتا ہے
کب تک اوروں کے سانچے میں ڈھلتے جائیں گے
کسی جگہ تو ہم کو آخر اڑنا پڑتا ہے
صرف اندھیرے ہی سے دیے کی جنگ نہیں ہوتی
تیز ہواؤں سے بھی اس کو لڑنا پڑتا ہے
سہی سلامت آگے بڑھتے رہنے کی خاطر
کبھی کبھی تو خود بھی پیچھے ہٹنا پڑتا ہے
شعر کہیں تو عقل و جنوں کی سرحد پر رک کر
لفظوں میں جذبوں کے نگوں کو جڑنا پڑتا ہے
جیون جینا اتنا بھی آسان نہیں آزادؔ
سانس سانس میں ریزہ ریزہ کٹنا پڑتا ہے
Karb hare mausam ka tab tak sehna padta hai
Karb hare mausam ka tab tak sehna padta hai
Pat jhad mein to paat ko aakhir jhadna padta hai
Kab tak auron ke saanche mein dhalte jayenge
Kisi jagah to hum ko aakhir udna padta hai
Sirf andhere hi se diye ki jang nahin hoti
Tez hawaon se bhi us ko ladna padta hai
Sahi salamat aage badhte rehne ki khaatir
Kabhi kabhi to khud bhi peeche hatna padta hai
Sher kahein to aql-o-junoon ki sarhad par ruk kar
Lafzon mein jazbon ke nagoon ko judna padta hai
Jeevan jeena itna bhi aasaan nahin Azad
Saans saans mein reza reza katna padta hai
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں