خود ہمیں کو راحتوں کے کیف کا چسکا نہ تھا — آزاد گلاٹی
شاعر
خود ہمیں کو راحتوں کے کیف کا چسکا نہ تھا
خود ہمیں کو راحتوں کے کیف کا چسکا نہ تھا
زندگی کا زہر ورنہ اس قدر کڑوا نہ تھا
اس نے تنہائی سے گھبرا کر پکارا تو نہیں
اس سے پہلے تو مرا دل اس طرح دھڑکا نہ تھا
ہائے وہ عالم کہ ان کی بزم میں بھی بیٹھ کر
میں یہی سوچا کیا میں تو کبھی تنہا نہ تھا
اس کے اپنے ہاتھ رخساروں کو سہلانے لگے
گو بظاہر میری بابت اس نے کچھ سوچا نہ تھا
ہر طرف کھلتی رہیں کلیاں نسیم صبح سے
اپنی قسمت میں صبا کا ایک بھی جھونکا نہ تھا
زندگی اے زندگی!! آ دو گھڑی مل کر رہیں
تجھ سے میرا عمر بھر کا تو کوئی جھگڑا نہ تھا
سوچتے ہیں اب اسے آزادؔ ہم کیا نام دیں
عمر کا وہ دور دل میں جب کوئی سودا نہ تھا
Khud hamein ko rahton ke kaif ka chaska na tha
Khud hamein ko rahton ke kaif ka chaska na tha
Zindagi ka zehr warna is qadar kadwa na tha
Us ne tanhai se ghabra kar pukara to nahin
Us se pehle to mera dil is tarah dhadka na tha
Haaye woh aalam ke un ki bazm mein bhi baith kar
Main yehi socha kya main to kabhi tanha na tha
Us ke apne haath rukhsaron ko sehlane lage
Go bazahir meri babat us ne kuch socha na tha
Har taraf khilti rahien kaliyan naseem-e-subh se
Apni qismat mein saba ka ek bhi jhonka na tha
Zindagi ae zindagi!! aa do ghadi mil kar rahen
Tujh se mera umr bhar ka to koi jhagda na tha
Sochte hain ab usay Azad, hum kya naam dein
Umr ka woh daur dil mein jab koi sauda na tha
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں