لمحہ لمحہ اک نئی سعئ بقا کرتی ہوئی — آزاد گلاٹی
شاعر
لمحہ لمحہ اک نئی سعئ بقا کرتی ہوئی
لمحہ لمحہ اک نئی سعئ بقا کرتی ہوئی
کٹ رہی ہے زندگی خود کو فنا کرتی ہوئی
تیری چپ ہے یا مرے اندر مچا کہرام ہے
کوئی شے تو ہے زباں کو بے نوا کرتی ہوئی
اپنے اندر ریزہ ریزہ ٹوٹ کر بکھرا ہوں میں
ہے یہ کیا شے چور دل کا آئنا کرتی ہوئی
کشت جاں سے دن کو کٹتی ہے نئے زخموں کی فصل
رات آتی ہے انہیں پھر سے ہرا کرتی ہوئی
میرے ہونے سے نہ ہونے کا سبب پیدا ہوا
مجھ کو ہستی ہی تھی خود مجھ سے جدا کرتی ہوئی
موت تو آزادؔ ہے آزادیوں کا اک جہاں
زندگی ہے ہر نفس خود کو رہا کرتی ہوئی
Lamha lamha ek nayi sa'i-e-baqa karti hui
Lamha lamha ek nayi sa'i-e-baqa karti hui
Kat rahi hai zindagi khud ko fana karti hui
Teri chup hai ya mere andar macha kohram hai
Koi shai to hai zuban ko be-nawa karti hui
Apne andar reza reza toot kar bikhra hoon main
Hai ye kya shai chor dil ka aaina karti hui
Kasht-e-jaan se din ko katti hai naye zakhmon ki fasl
Raat aati hai unhein phir se hara karti hui
Mere hone se na hone ka sabab paida hua
Mujh ko hasti hi thi khud mujh se juda karti hui
Maut to Azad, hai azadiyon ka ek jahan
Zindagi hai har nafas khud ko riha karti hui
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں