میں بچھڑ کر تجھ سے تیری روح کے پیکر میں ہوں — آزاد گلاٹی
شاعر
میں بچھڑ کر تجھ سے تیری روح کے پیکر میں ہوں
میں بچھڑ کر تجھ سے تیری روح کے پیکر میں ہوں
تو مری تصویر ہے میں تیرے پس منظر میں ہوں
اپنا مرکز ڈھونڈتا ہوں دائروں میں کھو کے میں
کتنے جنموں سے میں اک محدود سے چکر میں ہوں
خود ہی دستک دے رہا ہوں اپنے در پر دیر سے
گھر سے باہر رہ کے بھی جیسے میں اپنے گھر میں ہوں
میں وہ آذر ہوں جسے برسوں رہی اپنی تلاش
خود ہی مورت بن کے پوشیدہ ہر اک پتھر میں ہوں
دیکھنے والے مجھے میری نظر سے دیکھ لے
میں تری نظروں میں ہوں اور میں ہی ہر منظر میں ہوں
گونجتا ہوں اپنے اندر اور کھو جاتا ہوں میں
اک صدا بن کر انا کے گنبد بے در میں ہوں
میں کبھی اک جھیل تھا پھیلے ہوئے صحراؤں میں
آج میں اک پیاس کا صحرا ہوں اور ساگر میں ہوں
موت کو آزادؔ یہ عرفان دینا ہے مجھے
کاٹتی ہے مجھ کو جس سے وہ میں اس خنجر میں ہوں
Main bichhad kar tujh se teri rooh ke paikar mein hoon
Main bichhad kar tujh se teri rooh ke paikar mein hoon
Tu meri tasveer hai main tere pas-e-manzar mein hoon
Apna markaz dhoondhta hoon daairon mein kho ke main
Kitne janmon se main ek mahdood se chakkar mein hoon
Khud hi dastak de raha hoon apne dar par der se
Ghar se bahar reh ke bhi jaise main apne ghar mein hoon
Main woh Aazar hoon jise barson rahi apni talash
Khud hi moorat ban ke poshida har ek patthar mein hoon
Dekhne wale mujhe meri nazar se dekh le
Main teri nazron mein hoon aur main hi har manzar mein hoon
Goonjta hoon apne andar aur kho jaata hoon main
Ek sada ban kar ana ke gumbad-e-be-dar mein hoon
Main kabhi ek jheel tha phaile hue sehraon mein
Aaj main ek pyaas ka sehra hoon aur saagar mein hoon
Maut ko Azad! yeh irfaan dena hai mujhe
Kaatti hai mujh ko jis se woh main us khanjar mein hoon
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں