میرا تو نام ریت کے ساگر پہ نقش ہے — آزاد گلاٹی
شاعر
میرا تو نام ریت کے ساگر پہ نقش ہے
میرا تو نام ریت کے ساگر پہ نقش ہے
پھر کس کا نام ہے جو ترے در پہ نقش ہے
پھینکا تھا ہم پہ جو کبھی اس کو اٹھا کے دیکھ
جو کچھ لہو میں تھا اسی پتھر پہ نقش ہے
شاید ادھر سے گزرا ہے اک بار تو کبھی
تیری نظر کا لمس جو منظر پہ نقش ہے
تیرا خیال مجھ سے گو مل کر بچھڑ گیا
اس کی مہک کا عکس مرے گھر پہ نقش ہے
میرے خطوں کو رکھ کے سرہانے وہ سو گیا
جاگا تو میرے جسم کا بستر پہ نقش ہے
اب اس میں جو بھی ڈالئے امرت سے کم نہیں
جو ان لبوں پہ تھا وہی ساغر پہ نقش ہے
جو زخم اک نظر سے ملا تھا وہ بھر گیا
دھندلا سا داغ روح کے پیکر پہ نقش ہے
خنجر چلا تھا مجھ پہ مگر معجزہ ہے یہ
قاتل کا اپنا خون ہی خنجر پہ نقش ہے
آزادؔ کون تھا جو تہوں میں اتر گیا
کس کی حیات ہے جو سمندر پہ نقش ہے
Mera to naam reit ke sagar pe naqsh hai
Mera to naam reit ke sagar pe naqsh hai
Phir kis ka naam hai jo tere dar pe naqsh hai
Phenka tha hum pe jo kabhi us ko utha ke dekh
Jo kuch lahoo mein tha usi patthar pe naqsh hai
Shayad idhar se guzra hai ek baar to kabhi
Teri nazar ka lams jo manzar pe naqsh hai
Tera khayal mujh se go mil kar bichhad gaya
Us ki mehak ka aks mere ghar pe naqsh hai
Mere khatton ko rakh ke sirhane woh so gaya
Jaaga to mere jism ka bistar pe naqsh hai
Ab is mein jo bhi daliye amrit se kam nahin
Jo un labon pe tha wahi sagar pe naqsh hai
Jo zakhm ek nazar se mila tha woh bhar gaya
Dhundle sa daagh rooh ke paikar pe naqsh hai
Khanjar chala tha mujh pe magar mojiza hai ye
Qatil ka apna khoon hi khanjar pe naqsh hai
Azad, kon tha jo tahoon mein utar gaya
Kis ki hayat hai jo samandar pe naqsh hai
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں