روشنی پھیلی تو سب کا رنگ کالا ہو گیا — آزاد گلاٹی
شاعر
روشنی پھیلی تو سب کا رنگ کالا ہو گیا
روشنی پھیلی تو سب کا رنگ کالا ہو گیا
کچھ دیئے ایسے جلے ہر سو اندھیرا ہو گیا
جس نے میرا ساتھ چھوڑا اور کسی کا ہو گیا
سچ تو یہ ہے مجھ سے بھی بڑھ کر وہ تنہا ہو گیا
وقت کا یہ موڑ کیسا ہے کہ تجھ سے مل کے بھی
تجھ کو کھو دینے کا غم کچھ اور گہرا ہو گیا
ہم نے تنہائی کی چادر تان لی اور سو گئے
لوگ جب کہنے لگے اٹھو سویرا ہو گیا
ڈوبتا سورج ہوں میں وہ میرا سایا دیکھ کر
سوچتا یہ ہے قد اس کا مجھ سے لمبا ہو گیا
چند لمحے تھے جو برسوں بعد تک بیتے نہیں
کچھ برس وہ بھی تھے جن کا ایک لمحہ ہو گیا
جب زباں کھولی تو سب کو نیند سی آنے لگی
چپ ہوئے تو یوں لگا ہر شخص بہرا ہو گیا
ساتھ اس کا چھوڑ کر آئے تو یہ عالم رہا
ہم نے جس چہرے کو دیکھا اس کا چہرہ ہو گیا
اس تعلق کو بھلا آزادؔ میں کیا نام دوں
وہ کسی کا ہو کے بھی کچھ اور میرا ہو گیا
Roshni phaili to sab ka rang kaala ho gaya
Roshni phaili to sab ka rang kaala ho gaya
Kuch diye aise jale har soo andhera ho gaya
Jis ne mera saath chhora aur kisi ka ho gaya
Sach to yeh hai mujh se bhi badh kar woh tanha ho gaya
Waqt ka yeh mod kaisa hai ke tujh se mil ke bhi
Tujh ko kho dene ka gham kuch aur gehra ho gaya
Hum ne tanhai ki chadar taan li aur so gaye
Log jab kehne lage utho sawera ho gaya
Doobta sooraj hoon main woh mera saaya dekh kar
Sochta yeh hai qad us ka mujh se lamba ho gaya
Chand lamhe the jo barson baad tak beete nahin
Kuch baras woh bhi the jin ka ek lamha ho gaya
Jab zabaan kholi to sab ko neend si aane lagi
Chup hue to yun laga har shakhs behra ho gaya
Saath us ka chhor kar aaye to yeh alam raha
Hum ne jis chehre ko dekha us ka chehra ho gaya
Is talluq ko bhala 'Azad' main kya naam doon
Woh kisi ka ho ke bhi kuch aur mera ho gaya
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں