ساحل پہ رک کے سوئے سمندر نہ دیکھیے — آزاد گلاٹی
شاعر
ساحل پہ رک کے سوئے سمندر نہ دیکھیے
ساحل پہ رک کے سوئے سمندر نہ دیکھیے
باہر سے اپنے آپ کا منظر نہ دیکھیے
اپنے وجود ہی پہ نہ گزریں کئی شکوک
سائے کو اپنے قد کے برابر نہ دیکھیے
جاگے تو محض ریت ہی پائیں گے ہر طرف
گر ہو سکے تو خواب میں ساگر نہ دیکھیے
اپنے ہی سر کے زخم کا کچھ کیجیے علاج
آیا ہے کس طرف سے یہ پتھر نہ دیکھیے
یکجا نہ کرنے آئے گا کوئی تمام عمر
خوش فہمیوں سے خود میں بکھر کر نہ دیکھیے
پھر یوں نہ ہو کہ اپنا بدن اجنبی لگے
بہتر ہے اس کے خول سے باہر نہ دیکھیے
آزادؔ جی ڈرائے گا پرچھائیوں کا خوف
ویراں نظر سے کوئی بھی منظر نہ دیکھیے
Sahil pe ruk ke su-e-samandar na dekhiye
Sahil pe ruk ke su-e-samandar na dekhiye
Bahar se apne aap ka manzar na dekhiye
Apne wajood hi pe na guzrein kayi shukook
Saaye ko apne qad ke barabar na dekhiye
Jaage to mahaz reit hi paayenge har taraf
Gar ho sake to khwab mein sagar na dekhiye
Apne hi sar ke zakhm ka kuch kijiye ilaaj
Aaya hai kis taraf se ye patthar na dekhiye
Yekja na karne aayega koi tamam umr
Khush-fehmiyon se khud mein bikhar kar na dekhiye
Phir yun na ho ke apna badan ajnabi lage
Behtar hai us ke khol se bahar na dekhiye
Azad, jee darayega parchhaiyon ka khauf
Veeran nazar se koi bhi manzar na dekhiye
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں