سرحد جسم سے باہر کہیں گھر لکھا تھا — آزاد گلاٹی
شاعر
سرحد جسم سے باہر کہیں گھر لکھا تھا
سرحد جسم سے باہر کہیں گھر لکھا تھا
روح پر اپنی خلاؤں کا سفر لکھا تھا
ہم بھٹکتے رہے صدیوں جسے پڑھنے کے لئے
اپنے اندر وہ کہیں حرف ہنر لکھا تھا
آج ان آنکھوں میں دیکھا تو ملا دشت خلا
ہم نے جن آنکھوں میں اک خواب نگر لکھا تھا
اپنے گھر میں اسی احساس نے جینے نہ دیا
اپنے ہاتھوں پہ کسی اور کا گھر لکھا تھا
زندگی ایک سلگتا ہوا صحرا تھا جہاں
سب کی آنکھوں میں سرابوں کا بھنور لکھا تھا
کون تھا مجھ میں کہ جس نے مجھے پڑھنے نہ دیا
میرے چہرے پہ مرا نام اگر لکھا تھا
اپنی ہی ذات کے ہالے میں رہے ہم آزادؔ
ان گنت دائروں کا یعنی سفر لکھا تھا
Sarhad-e-jism se bahar kahin ghar likha tha
Sarhad-e-jism se bahar kahin ghar likha tha
Rooh par apni khalaon ka safar likha tha
Hum bhatakte rahe sadiyon jise padhne ke liye
Apne andar woh kahin harf-e-hunar likha tha
Aaj un aankhon mein dekha to mila dasht-e-khala
Hum ne jin aankhon mein ik khwab nagar likha tha
Apne ghar mein isi ehsaas ne jeene na diya
Apne hathon pe kisi aur ka ghar likha tha
Zindagi ek sulagta hua sehra tha jahan
Sab ki aankhon mein sarabon ka bhanwar likha tha
Kaun tha mujh mein ke jis ne mujhe padhne na diya
Mere chehre pe mera naam agar likha tha
Apni hi zaat ke haale mein rahe hum Azad
Unginat daeron ka yaani safar likha tha
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں