تمہارے پاس رہیں ہم تو موت بھی کیا ہے — آزاد گلاٹی
شاعر
تمہارے پاس رہیں ہم تو موت بھی کیا ہے
تمہارے پاس رہیں ہم تو موت بھی کیا ہے
مگر جو دور کٹے تم سے زندگی کیا ہے
جب اٹھ کے چل دیئے تم تیرگی امڈ آئی
جو تم نہ ہو تو چراغوں کی روشنی کیا ہے
کچھ ایسے پھول بھی گزرے ہیں میری نظروں سے
جو کھل کے بھی نہ سمجھ پائے زندگی کیا ہے
بس ان کی یاد کے ہم پاؤں چوم لیتے ہیں
ہمیں خبر نہیں معراج بندگی کیا ہے
کبھی جو گوش بر آواز ہو کے اس کو سنو
تمہیں پتہ بھی چلے ساز خامشی کیا ہے
مری نگاہ نے کیا کیا نہ خواب دیکھے ہیں
تری نگاہ نے اک بات سی کہی کیا ہے
ہمیں نے ظلمت ہستی میں دل جلائے ہیں
یہ ہم سمجھتے ہیں درمان تیرگی کیا ہے
ابھر رہی ہے جو رہ رہ کے دل کی دھڑکن میں
وہ آرزو ہے کہ ہے اس کی بے بسی کیا ہے
خزاں نصیب ہوں نظریں جو اہل گلشن کی
تو پھر بہار کے جلووں کی تازگی کیا ہے
جہاں میں یہ کبھی مجبور ہے کبھی مختار
ہے ایک شعبدہ آزادؔ آدمی کیا ہے
Tumhare paas rahein hum to maut bhi kya hai
Tumhare paas rahein hum to maut bhi kya hai
Magar jo door kate tum se zindagi kya hai
Jab uth ke chal diye tum teergi umad aayi
Jo tum na ho to charaghon ki roshni kya hai
Kuch aise phool bhi guzre hain meri nazron se
Jo khil ke bhi na samajh paaye zindagi kya hai
Bas un ki yaad ke hum paon choom lete hain
Hamein khabar nahin meraj-e-bandagi kya hai
Kabhi jo gosh bar aawaz ho ke us ko suno
Tumhein pata bhi chale saaz-e-khamoshi kya hai
Meri nigah ne kya kya na khwab dekhe hain
Teri nigah ne ik baat si kahi kya hai
Hamein ne zulmat-e-hasti mein dil jalaye hain
Yeh hum samajhte hain darmiyan teergi kya hai
Ubhar rahi hai jo reh reh ke dil ki dhadkan mein
Woh aarzoo hai ke hai us ki be-basi kya hai
Khizan naseeb hon nazrein jo ahl-e-gulshan ki
To phir bahar ke jalwon ki taazgi kya hai
Jahan mein yeh kabhi majboor hai kabhi mukhtaar
Hai ek shaubada 'Azad' aadmi kya hai
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں