عمر بھر چلتے رہے ہم وقت کی تلوار پر — آزاد گلاٹی
شاعر
عمر بھر چلتے رہے ہم وقت کی تلوار پر
عمر بھر چلتے رہے ہم وقت کی تلوار پر
پرورش پائی ہے اپنے خون ہی کی دھار پر
چاہنے والے کی اک غلطی سے برہم ہو گیا
فخر تھا کتنا اسے خود پیار کے معیار پر
رات گہری میری تنہائی کا ساگر اور پھر
تیری یادوں کے سلگتے دیپ ہر منجدھار پر
شام آئی اور سب شاخوں کی گلیاں سو گئیں
موت کا سایا سا منڈلانے لگا اشجار پر
خلوت شب میں یہ اکثر سوچتا کیوں ہوں کہ چاند
نور کا بوسہ ہے گویا رات کے رخسار پر
سال نو آتا ہے تو محفوظ کر لیتا ہوں میں
کچھ پرانے سے کلینڈر ذہن کی دیوار پر
زندگی آزاد پہلے یوں کبھی تنہا نہ تھی
آدمی بہتا تھا یوں ہی وقت کی رفتار پر
Umr bhar chalte rahe hum waqt ki talwar par
Umr bhar chalte rahe hum waqt ki talwar par
Parvarish paayi hai apne khoon hi ki dhaar par
Chahne wale ki ik ghalti se barham ho gaya
Fakhr tha kitna اسے khud pyaar ke mayaar par
Raat gehri meri tanhai ka saagar aur phir
Teri yaadon ke sulagte deep har manjhdaar par
Shaam aayi aur sab shaakhon ki galiyan so gayin
Maut ka saaya sa mandlane laga ashjaar par
Khalwat-e-shab mein yeh aksar sochta kyun hoon ke chand
Noor ka bosa hai goya raat ke rukhsaar par
Saal-e-nau aata hai to mehfooz kar leta hoon main
Kuch purane se calendar zehn ki deewar par
Zindagi 'Azad' pehle yun kabhi tanha na thi
Aadmi behta tha yun hi waqt ki raftar par
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں