وہ جو کسی کا روپ دھار کر آیا تھا — آزاد گلاٹی
شاعر
وہ جو کسی کا روپ دھار کر آیا تھا
وہ جو کسی کا روپ دھار کر آیا تھا
میرے اندر بسنے والا سایا تھا
وہ دکھ بھی کیوں ہم کو تنہا چھوڑ گئے
کیا کیا چھوڑ کے ہم نے جنہیں اپنایا تھا
خود تم نے دروازے بند رکھے ورنہ
میں اک تازہ ہوا کا جھونکا لایا تھا
میری اک آواز سے ساری ٹوٹ گئی
وہ دیواریں جن پر تو اترایا تھا
ویراں دل میں غم کے پریت بھٹکتے تھے
میری چپ پر کسی صدا کا سایا تھا
اس میں ایک جنم بھر کے دکھ سمٹے تھے
وہ آنسو جو پلکوں پر لہرایا تھا
Woh jo kisi ka roop dhaar kar aaya tha
Woh jo kisi ka roop dhaar kar aaya tha
Mere andar basne wala saaya tha
Woh dukh bhi kyun hum ko tanha chhod gaye
Kya kya chhod ke hum ne jinhein apnaya tha
Khud tum ne darwaze band rakhe warna
Main ek taza hawa ka jhonka laya tha
Meri ek awaz se saari toot gayi
Woh deewarein jin par tu itraya tha
Veeran dil mein gham ke preet bhatakte the
Meri chup par kisi sada ka saaya tha
Is mein ek janam bhar ke dukh simte the
Woh aansoo jo palkon par lehraya tha
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں