وہ روح کے گنبد میں صدا بن کے ملے گا — آزاد گلاٹی
شاعر
وہ روح کے گنبد میں صدا بن کے ملے گا
وہ روح کے گنبد میں صدا بن کے ملے گا
اک دن وہ مجھے میرا خدا بن کے ملے گا
بھٹکوں گا میں اس شہر کی گلیوں میں اکیلا
وہ مجھ کو مرے دل کا خلا بن کے ملے گا
وہ دور بھی آئے گا کہ ہر لمحۂ ہستی
مجھ سے ترے ملنے کی دعا بن کے ملے گا
کس زعم سے بچھڑا ہے مگر دیکھنا یہ بھی
تو خود سے خود اپنی ہی سزا بن کے ملے گا
اشعار میں دھڑکیں گے ملاقات کے لمحے
تو سب سے مرے فن کی بقا بن کے ملے گا
Woh rooh ke gumbad mein sada ban ke milega
Woh rooh ke gumbad mein sada ban ke milega
Ek din woh mujhe mera Khuda ban ke milega
Bhatkunga main us shahar ki galiyon mein akela
Woh mujh ko mere dil ka khala ban ke milega
Woh daur bhi aayega keh har lamha hasti
Mujh se tere milne ki dua ban ke milega
Kis za'am se bichhda hai magar dekhna yeh bhi
Tu khud se khud apni hi saza ban ke milega
Ash'aar mein dhadkenge mulaqat ke lamhe
Tu sab se mere fan ki baqa ban ke milega
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں