اے جذبۂ دل گر میں چاہوں ہر چیز مقابل آ جائے — بہزاد لکھنوی
شاعر
اے جذبۂ دل گر میں چاہوں ہر چیز مقابل آ جائے
اے جذبۂ دل گر میں چاہوں ہر چیز مقابل آ جائے
منزل کے لیے دو گام چلوں اور سامنے منزل آ جائے
اے دل کی لگی چل یوں ہی سہی چلتا تو ہوں ان کی محفل میں
اس وقت مجھے چونکا دینا جب رنگ پہ محفل آ جائے
اے رہبر کامل چلنے کو تیار تو ہوں پر یاد رہے
اس وقت مجھے بھٹکا دینا جب سامنے منزل آ جائے
ہاں یاد مجھے تم کر لینا آواز مجھے تم دے لینا
اس راہ محبت میں کوئی درپیش جو مشکل آ جائے
اب کیوں ڈھونڈوں وہ چشم کرم ہونے دے ستم بالائے ستم
میں چاہتا ہوں اے جذبۂ غم مشکل پس مشکل آ جائے
اس جذبۂ دل کے بارے میں اک مشورہ تم سے لیتا ہوں
اس وقت مجھے کیا لازم ہے جب تجھ پہ مرا دل آ جائے
اے برق تجلی کوندھ ذرا کیا مجھ کو بھی موسیٰ سمجھا ہے
میں طور نہیں جو جل جاؤں جو چاہے مقابل آ جائے
کشتی کو خدا پر چھوڑ بھی دے کشتی کا خدا خود حافظ ہے
مشکل تو نہیں ان موجوں میں بہتا ہوا ساحل آ جائے
Ae jazba-e-dil gar main chahoon har cheez muqabil aa jaye
Ae jazba-e-dil gar main chahoon har cheez muqabil aa jaye
Manzil ke liye do gaam chaloon aur saamne manzil aa jaye
Ae dil ki lagi chal yoon hi sahi chalta to hoon un ki mahfil mein
Is waqt mujhe chaunka dena jab rang pe mahfil aa jaye
Ae rahbare kamil chalne ko taiyar to hoon par yaad rahe
Is waqt mujhe bhatka dena jab saamne manzil aa jaye
Haan yaad mujhe tum kar lena aawaz mujhe tum de lena
Is raah-e-mohabbat mein koi darpesh jo mushkil aa jaye
Ab kyun dhoondhoon woh chashm-e-karam hone de sitam balaye sitam
Main chahta hoon ae jazba-e-gham mushkil pas mushkil aa jaye
Is jazba-e-dil ke baare mein ik mashwara tum se leta hoon
Is waqt mujhe kya lazim hai jab tujh pe mera dil aa jaye
Ae barq-e-tajalli kaundh zara kya mujh ko bhi Musa samjha hai
Main Toor nahin jo jal jaaoon jo chahe muqabil aa jaye
Kashti ko Khuda par chhod bhi de kashti ka Khuda khud hafiz hai
Mushkil to nahin un maujon mein behta hua sahil aa jaye
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں