قلب و نظر پہ آپ ستم ڈھا کے چل دئے — بہزاد لکھنوی
شاعر
قلب و نظر پہ آپ ستم ڈھا کے چل دئے
قلب و نظر پہ آپ ستم ڈھا کے چل دئے
اللہ رے بے رخی مجھے تڑپا کے چل دیے
کیا عشق کی نگاہ سے شرما کے چل دئے
یا میرے اضطراب سے گھبرا کے چل دئے
کیا زندگی غم پہ تمہیں پیار آگیا
مجھ پر نگاہ لطف جو فرما کے چل دئے
دیکھا جو اژدہام تمنا و آرزو
نیچی نظر کئے ہوئے اٹھلا کے چل دئے
کچھ تو زباں سے کہئے کوئی بات کیجیے
آئے تھے کس لئے بھلا کیوں آکے چل دئے
آنے کو اپنے وعدۂ فردا پہ ٹال کر
بہزادؔ آج وہ تجھے بہلا کے چل دئے
بہزاد لکھنوی
Qalb-o-nazar pe aap sitam dha ke chal diye
Qalb-o-nazar pe aap sitam dha ke chal diye
Allah re be-rukhi mujhe tadpa ke chal diye
Kya ishq ki nigaah se sharma ke chal diye
Ya mere izteraab se ghabra ke chal diye
Kya zindagi gham pe tumhein pyaar aa gaya
Mujh par nigaah-e-lutf jo farma ke chal diye
Dekha jo izdiham-e-tamanna-o-aarzoo
Neechi nazar kiye hue ithla ke chal diye
Kuchh to zubaan se kahiye koi baat keejiye
Aaye the kis liye bhala kyun aake chal diye
Aane ko apne waada-e-farda pe taal kar
Behzad aaj woh tujhe behla ke chal diye
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں