غم میں بھی مسکرا رہا ہوں میں — بہزاد لکھنوی
شاعر
غم میں بھی مسکرا رہا ہوں میں
غم میں بھی مسکرا رہا ہوں میں
اپنا عالم دکھا رہا ہوں میں
ہچکیو جب کوئی نہیں میرا
پھر کسے یاد آ رہا ہوں میں
اس سے مجھ کو نہیں وفا کی امید
جس کو اپنا بنا رہا ہوں میں
رکھ رہا ہوں بنا نشیمن کی
بجلیوں کو بلا رہا ہوں میں
اشک غم ساتھ کیوں نہیں دیتے
دیر سے مسکرا رہا ہوں میں
اللہ اللہ میری مستئ شوق
بے پیے ڈگمگا رہا ہوں میں
اشک بہتے ہیں کچھ نہیں کہتا
یوں فسانہ سنا رہا ہوں میں
ہو جلائیں تھیں شام فرقت میں
وہی شمعیں بجھا رہا ہوں میں
یاد آتا ہی جاتا ہے بہزادؔ
وہی جس کو بھلا رہا ہوں میں
بہزاد لکھنوی
Gham mein bhi muskura raha hoon main
Gham mein bhi muskura raha hoon main
Apna aalam dikha raha hoon main
Hichkiyon jab koi nahin mera
Phir kise yaad aa raha hoon main
Us se mujh ko nahin wafa ki umeed
Jis ko apna bana raha hoon main
Rakh raha hoon bana nasheman ki
Bijliyon ko bula raha hoon main
Ashk-e-gham saath kyun nahin dete
Der se muskura raha hoon main
Allah Allah meri masti-e-shauq
Be piye dagmaga raha hoon main
Ashk behte hain kuchh nahin kehta
Yun fasana suna raha hoon main
Hu jalai theen shaam-e-furqat mein
Wohi shama'ein bujha raha hoon main
Yaad aata hi jaata hai Behzad
Wohi jis ko bhula raha hoon main
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں