بسر ہم عجب زندگی کر رہے ہیں — بہزاد لکھنوی
شاعر
بسر ہم عجب زندگی کر رہے ہیں
بسر ہم عجب زندگی کر رہے ہیں
کبھی جی رہے ہیں کبھی مر رہے ہیں
یہ نالے یہ آہیں جو ہم بھر رہے ہیں
انہیں روشناس ستم کر رہے ہیں
خدا کی قسم بس ہم ہی جانتے ہیں
محبت کی دنیا میں کیونکر رہے ہیں
نہ ہنس کر ہی گزری نہ رو کر ہی ہم سے
عجب حال میں زندگی بھر رہے ہیں
تعجب نہ کر غم نہ کھا قلب غمگیں
ہمیشہ یہی ان کے تیور رہے ہیں
نہ برسیں بھلا کس لئے خوں کے آنسو
کہ ممنون دل دیدۂ تر رہے ہیں
کوئی راز پھر آج ہے کھلنے والا
وہ پھر میری الفت کا دم بھر رہے ہیں
جفائیں کرو شوق سے تم جفا کی
شکایت ہی ہم تم سے کب کر رہے ہیں
شب و روز رو رو کے بہزادؔ گریاں
طبیعت کو مانوس غم کر رہے ہیں
Basar hum ajab zindagi kar rahe hain
Basar hum ajab zindagi kar rahe hain
Kabhi jee rahe hain kabhi mar rahe hain
Yeh nale yeh aahen jo hum bhar rahe hain
Unhen roshnas-e-sitam kar rahe hain
Khuda ki qasam bas hum hi jaante hain
Mohabbat ki duniya mein kyunkar rah rahe hain
Na hans kar hi guzri na ro kar hi hum se
Ajab haal mein zindagi bhar rahe hain
Taajjub na kar gham na kha qalb-e-ghamgeen
Hamesha yahi un ke tewar rahe hain
Na barsen bhala kis liye khoon ke aansoo
Ke mamnoon-e-dil-e-deeda-e-tar rahe hain
Koi raaz phir aaj hai khulne wala
Woh phir meri ulfat ka dam bhar rahe hain
Jafaen karo shauq se tum jafa ki
Shikayat hi hum tum se kab kar rahe hain
Shab-o-roz ro ro ke Behzad giryaan
Tabiyat ko manoos-e-gham kar rahe hain
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں