چشم حسیں میں ہے نہ رخ فتنہ گر میں ہے — بہزاد لکھنوی
شاعر
چشم حسیں میں ہے نہ رخ فتنہ گر میں ہے
چشم حسیں میں ہے نہ رخ فتنہ گر میں ہے
دنیا کا ہر فریب فریب نظر میں ہے
اب کیا خبر کہ دل میں ہے کیا کیا جگر میں ہے
اب تو تری نظر کا تماشا نظر میں ہے
ایمان رکھ کے کیا کروں فرسودہ چیز ہے
مستی مجھے قبول کہ تیری نظر میں ہے
ناسور درد زخم تپش سوز و اضطراب
سامان سو طرح کا دل مختصر میں ہے
حاضر ہے اس کے واسطے جس کو ہو آرزو
ہاں اک لہو کی بوند مری چشم تر میں ہے
قسمت سے مل گئی ہے یہ بیدارئ حیات
اس عشق کے نثار کہ دنیا نظر میں ہے
مجھ کو نہ دن کو چین نہ شب کو سکوں نصیب
اک ربط دائمی مری شام و سحر میں ہے
حیرت سے دیکھیے نہ مرے سجدہ ہائے شوق
یہ آستاں کچھ اور ہی میری نظر میں ہے
باقی ہیں بعد توبہ بھی رندی کے ولولے
دل میں خیال بادہ ہے ساغر نظر میں ہے
اچھی ملی ہے مجھ کو یہ دیوانگئ شوق
دنیا کا ہر خیال دل بے خبر میں ہے
دو قطرہ ہائے خوں سر مژگاں ہیں منتظر
بہزادؔ دو جہاں کا تماشا نظر میں ہے
Chashm-e-haseen mein hai na rukh fitna-gar mein hai
Chashm-e-haseen mein hai na rukh fitna-gar mein hai
Duniya ka har fareb fareb-e-nazar mein hai
Ab kya khabar ke dil mein hai kya kya jigar mein hai
Ab to teri nazar ka tamasha nazar mein hai
Emaan rakh ke kya karoon farsooda cheez hai
Masti mujhe qubool ke teri nazar mein hai
Nasoor, dard, zakhm, tapish, soz-o-iztirab
Samaan sau tarah ka dil-e-mukhtasar mein hai
Haazir hai uss ke vaaste jis ko ho aarzoo
Haan ek lahoo ki boond meri chashm-e-tar mein hai
Qismat se mil gayi hai ye bedari-e-hayat
Uss ishq ke nisaar ke duniya nazar mein hai
Mujh ko na din ko chain na shab ko sukoon naseeb
Ek rabt-e-daaimi meri sham-o-sahar mein hai
Hairat se dekhiye na mere sajda haaye shauq
Ye aastan kuch aur hi meri nazar mein hai
Baqi hain baad-e-tauba bhi rindi ke walwale
Dil mein khayal-e-bada hai sagar nazar mein hai
Achhi mili hai mujh ko ye deewangi-e-shauq
Duniya ka har khayal dil-e-be-khabar mein hai
Do qatra haaye khoon sar-e-mizhgaan hain muntazir
Behzad do jahan ka tamasha nazar mein hai
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں