دیوانہ بنانا ہے تو دیوانہ بنا دے — بہزاد لکھنوی
شاعر
دیوانہ بنانا ہے تو دیوانہ بنا دے
دیوانہ بنانا ہے تو دیوانہ بنا دے
ورنہ کہیں تقدیر تماشہ نہ بنا دے
اے دیکھنے والو مجھے ہنس ہنس کے نہ دیکھو
تم کو بھی محبت کہیں مجھ سا نہ بنا دے
میں ڈھونڈھ رہا ہوں مری وہ شمع کہاں ہے
جو بزم کی ہر چیز کو پروانہ بنا دے
آخر کوئی صورت بھی تو ہو خانۂ دل کی
کعبہ نہیں بنتا ہے تو بت خانہ بنا دے
بہزادؔ ہر اک گام پہ اک سجدۂ مستی
ہر ذرے کو سنگ در جانانہ بنا دے
Deewana banana hai to deewana bana de
Deewana banana hai to deewana bana de
Warna kahin taqdeer tamasha na bana de
Ae dekhne walo mujhe hans hans ke na dekho
Tum ko bhi mohabbat kahin mujh sa na bana de
Main dhoondh raha hoon meri woh shama kahan hai
Jo bazm ki har cheez ko parwana bana de
Aakhir koi soorat bhi to ho khana-e-dil ki
Kaaba nahin banta hai to but-khana bana de
Behzad har ik gaam pe ik sajda-e-masti
Har zarre ko sang-e-dar-e-jaanana bana de
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں