دل میرا تیرا تابع فرماں ہے کیا کروں — بہزاد لکھنوی
شاعر
دل میرا تیرا تابع فرماں ہے کیا کروں
دل میرا تیرا تابع فرماں ہے کیا کروں
اب تیرا کفر ہی مرا ایماں ہے کیا کروں
باہوش ہوں مگر مرا دامن ہے چاک چاک
عالم یہ دیکھ دیکھ کے حیراں ہے کیا کروں
ہر طرح کا سکون ہے ہر طرح کا ہے کیف
پھر بھی یہ میرا قلب پریشاں ہے کیا کروں
کہتا نہیں ہوں اور زمانہ ہے با خبر
چہرے سے دل کا حال نمایاں ہے کیا کروں
دامن کروں نہ چاک یہ ممکن تو ہے مگر
مضطر ہر ایک تار گریباں ہے کیا کروں
سادہ سا اک ورق ہوں کتاب حیات کا
حسرت سے اب نہ اب کوئی ارماں ہے کیا کروں
ہر سمت پا رہا ہوں وہی رنگ دل فریب
ہاتھوں میں کفر کے مرا ایماں ہے کیا کروں
داغوں کا قلب زار سے ممکن تو ہے علاج
ان کے ہی دم سے دل میں چراغاں ہے کیا کروں
اک بے وفا کے واسطے سے سب کچھ لٹا دیا
بہزادؔ اب نہ دین نہ ایماں ہے کیا کروں
Dil mera tera taba-e-farmaan hai kya karoon
Dil mera tera taba-e-farmaan hai kya karoon
Ab tera kufr hi mera imaan hai kya karoon
Ba-hosh hoon magar mera daman hai chaak chaak
Aalam yeh dekh dekh ke hairan hai kya karoon
Har tarah ka sukoon hai har tarah ka hai kaif
Phir bhi yeh mera qalb pareshan hai kya karoon
Kehta nahin hoon aur zamana hai ba-khabar
Chehre se dil ka haal numayan hai kya karoon
Daman karoon na chaak yeh mumkin toh hai magar
Muztar har ek taar-e-girebaan hai kya karoon
Sada sa ik waraq hoon kitab-e-hayat ka
Hasrat se ab na ab koi armaan hai kya karoon
Har simt pa raha hoon wahi rang-e-dil-fareb
Hathon mein kufr ke mera imaan hai kya karoon
Daaghon ka qalb-e-zaar se mumkin toh hai ilaj
In ke hi dam se dil mein charaghan hai kya karoon
Ik bewafa ke waaste se sab kuch luta diya
Behzad ab na deen na imaan hai kya karoon
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں