اک بے وفا کو درد کا درماں بنا لیا — بہزاد لکھنوی
شاعر
اک بے وفا کو درد کا درماں بنا لیا
اک بے وفا کو درد کا درماں بنا لیا
ہم نے تو آہ کفر کو ایماں بنا لیا
دل کی خلش پسندیاں ہیں کہ اللہ کی پناہ
تیر نظر کو جان رگ جاں بنا لیا
مجھ کو خبر نہیں مرے دل کو خبر نہیں
کس کی نظر نے بندۂ احساں بنا لیا
محسوس کر کے ہم نے محبت کا ہر الم
خواب سبک کو خواب پریشاں بنا لیا
دست جنوں کی عقدہ کشائی تو دیکھیے
دامن کو بے نیاز گریباں بنا لیا
تسکین دل کی ہم نے بھی پرواہ چھوڑ دی
ہر موج غم کو حاصل طوفاں بنا لیا
جب ان کا نام آ گیا ہم مضطرب ہوئے
آہوں کو اپنی زیست کا عنواں بنا لیا
ہم نے تو اپنے دل میں وہ غم ہو کہ ہو الم
جو کوئی آ گیا اسے مہماں بنا لیا
آئینہ دیکھنے کی ضرورت نہ تھی کوئی
اپنے کو خود ہی آپ نے حیراں بنا لیا
اک بے وفا پہ کر کے تصدق دل و جگر
بہزادؔ ہم نے خود کو پریشاں بنا لیا
Ek be-wafa ko dard ka darmaan bana liya
Ek be-wafa ko dard ka darmaan bana liya
Hum ne to aah-e-kufr ko imaan bana liya
Dil ki khalish-pasandiyan hain ke Allah ki panah
Teer-e-nazar ko jaan rag-e-jaan bana liya
Mujh ko khabar nahin mere dil ko khabar nahin
Kis ki nazar ne banda-e-ehsaan bana liya
Mehsoos kar kar ke hum ne mohabbat ka har alam
Khwab-e-sabak ko khwab-e-pareshan bana liya
Dast-e-junoon ki uqda-kushai to dekhiye
Daman ko be-niaz-e-girebaan bana liya
Taskeen-e-dil ki hum ne bhi parwah chhod di
Har mauj-e-gham ko hasil-e-toofan bana liya
Jab unka naam aa gaya hum muztarib hue
Aahon ko apni zeest ka unwan bana liya
Hum ne to apne dil mein woh gham ho ke ho alam
Jo koi aa gaya use mehman bana liya
Aaina dekhne ki zaroorat na thi koi
Apne ko khud hi aap ne hairan bana liya
Ek be-wafa pe kar kar ke tasadduq dil-o-jigar
Behzad, hum ne khud ko pareshan bana liya
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں