ہے خرد مندی یہی باہوش دیوانہ رہے — بہزاد لکھنوی
شاعر
ہے خرد مندی یہی باہوش دیوانہ رہے
ہے خرد مندی یہی باہوش دیوانہ رہے
ہے وہی اپنا کہ جو اپنے سے بیگانہ رہے
کفر سے یہ التجائیں کر رہا ہوں بار بار
جاؤں تو کعبہ مگر رخ سوئے مے خانہ رہے
شمع سوزاں کچھ خبر بھی ہے تجھے او مست غم
حسن محفل ہے جبھی جب تک کہ پروانہ رہے
زخم دل اے زخم دل ناسور کیوں بنتا نہیں
لطف تو جب ہے کہ افسانے میں افسانہ رہے
ہم کو واعظ کا بھی دل رکھنا ہے ساقی کا بھی دل
ہم تو توبہ کر کے بھی پابند میخانہ رہے
آخرش کب تک رہیں گی حسن کی نادانیاں
حسن سے پوچھو کہ کب تک عشق دیوانہ رہے
فیض راہ عشق ہے یا فیض جذب عشق ہے
ہم تو منزل پا کے بھی منزل سے بیگانہ رہے
مے کدہ میں ہم دعائیں کر رہے ہیں بار بار
اس طرف بھی چشم مست پیر میخانہ رہے
آج تو ساقی سے یہ بہزادؔ نے باندھا ہے عہد
لب پہ توبہ ہو مگر ہاتھوں میں پیمانہ رہے
Hai khirad mandi yahi ba-hosh deevana rahe
Hai khirad mandi yahi ba-hosh deevana rahe
Hai wahi apna ke jo apne se begana rahe
Kufr se yeh iltija'en kar raha hoon baar baar
Ja'un toh Kaaba magar rukh su-e-mai-khana rahe
Shama-e-suzan kuch khabar bhi hai tujhe oh mast-e-gham
Husn-e-mehfil hai jabhi jab tak ke parwana rahe
Zakhm-e-dil aye zakhm-e-dil nasoor kyun banta nahin
Lutf toh jab hai ke afsane mein afsana rahe
Hum ko waiz ka bhi dil rakhna hai saqi ka bhi dil
Hum toh tauba kar ke bhi paband-e-mai-khana rahe
Aakhirash kab tak rahengi husn ki nadaniyan
Husn se poocho ke kab tak ishq deevana rahe
Faiz-e-raah-e-ishq hai ya faiz-e-jazb-e-ishq hai
Hum toh manzil pa ke bhi manzil se begana rahe
Mai-kada mein hum duaein kar rahe hain baar baar
Is taraf bhi chashm-e-mast Peer-e-mai-khana rahe
Aaj toh saqi se yeh Behzad ne bandha hai ahad
Lab pe tauba ho magar hathon mein paimana rahe
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں