ہر شے کو مرے دل سے بھلاتے ہوئے آتے — بہزاد لکھنوی
شاعر
ہر شے کو مرے دل سے بھلاتے ہوئے آتے
ہر شے کو مرے دل سے بھلاتے ہوئے آتے
آنا تھا تو بے ہوش بناتے ہوئے آتے
مدہوشیوں کو ہوش میں لاتے ہوئے آتے
آتے مری دنیا کو جگاتے ہوئے آتے
ہر ذرے کو اک طور بناتے ہوئے آتے
یہ ہو نہ سکا جلوے لٹاتے ہوئے آتے
اشکوں پہ گراتے مرے تم برق تبسم
پانی میں ذرا آگ لگاتے ہوئے آتے
گر بندہ نوازی ہی تھی تو حسن نظر سے
ہر چیز کو پر نور بناتے ہوئے آتے
گر بارگہہ عشق میں آنا تھا تو خود کو
اپنی بھی نگاہوں سے چھپاتے ہوئے آتے
چہرے کو چھپانا ہی جو مقصود تھا ان کا
نظروں کو نہ بیتاب بناتے ہوئے آتے
دنیا کو تو اک آن میں بے ہوش کیا تھا
مجھ کو بھی ہر اک چیز بھلاتے ہوئے آتے
خودداریٔ الفت بھی کوئی چیز تھی بہزادؔ
ہر گام پہ کیوں سر کو جھکاتے ہوئے آتے
Har shai ko mere dil se bhulaate hue aate
Har shai ko mere dil se bhulaate hue aate
Aana tha to be-hosh banate hue aate
Madhooshiyon ko hosh mein laate hue aate
Aate meri duniya ko jagaate hue aate
Har zarre ko ik Toor banate hue aate
Ye ho na saka jalwe lutaate hue aate
Ashkon pe giraate mere tum barq-e-tabassum
Paani mein zara aag lagaate hue aate
Gar banda-nawazi hi thi to husn-e-nazar se
Har cheez ko pur-noor banate hue aate
Gar baargah-e-ishq mein aana tha to khud ko
Apni bhi nigaahon se chhupaate hue aate
Chehre ko chhupana hi jo maqsood tha un ka
Nazron ko na betaab banate hue aate
Duniya ko to ik aan mein be-hosh kiya tha
Mujh ko bhi har ik cheez bhulaate hue aate
Khuddaari-e-ulfat bhi koi cheez thi Behzad
Har gaam pe kyun sar ko jhukaate hue aate
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں