ہونا ہی کیا ضرور تھے یہ دو جہاں ہیں کیوں — بہزاد لکھنوی
شاعر
ہونا ہی کیا ضرور تھے یہ دو جہاں ہیں کیوں
ہونا ہی کیا ضرور تھے یہ دو جہاں ہیں کیوں
اللہ اک فریب میں کون و مکاں ہیں کیوں
سنتے ہیں ایک درد تو اٹھتا ہے بار بار
اس کی خبر نہیں ہے کہ آنسو رواں ہیں کیوں
ان بے نیازیوں میں بھی شان نیاز ہے
سجدے نہیں پسند تو پھر آستاں ہیں کیوں
جس گلستاں میں روز تڑپتی ہیں بجلیاں
یا رب اسی چمن میں یہ پھر آشیاں ہیں کیوں
اس کا ہمیں ملال ہے ہم کیوں بدل گئے
اس کا نہیں ملال کہ وہ بد گماں ہیں کیوں
جب دل نہیں رہا تو تمنا کا کام کیا
جب کارواں نہیں تو پس کارواں ہیں کیوں
بہزادؔ ان کے ہجر میں گھبرا رہا ہے دل
اب کیا کہیں کسی سے کہ بس خانماں ہیں کیوں
Hona hi kya zaroor the ye do jahan hain kyun
Hona hi kya zaroor the ye do jahan hain kyun
Allah ek fareb mein kaun-o-makaan hain kyun
Sunte hain ek dard to uthta hai baar baar
Uss ki khabar nahi hai ke aansoo rawaan hain kyun
In be-niyaziyon mein bhi shan-e-niyaz hai
Sajde nahi pasand to phir aastan hain kyun
Jis gulistan mein roz tadapti hain bijliyan
Ya Rabb isi chaman mein ye phir aashiyan hain kyun
Uss ka hamein malal hai hum kyun badal gaye
Uss ka nahi malal ke woh bad-gumaan hain kyun
Jab dil nahi raha to tamanna ka kaam kya
Jab karwaan nahi to pas-e-karwaan hain kyun
Behzad un ke hijr mein ghabra raha hai dil
Ab kya kahein kisi se ke bas khanuman hain kyun
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں