جلوہ بس روئے جلوہ گر تک ہے — بہزاد لکھنوی
شاعر
جلوہ بس روئے جلوہ گر تک ہے
جلوہ بس روئے جلوہ گر تک ہے
زندگی آمد سحر تک ہے
سجدۂ شوق میرے سر تک ہے
سر مرا ان کے سنگ در تک ہے
تیری دنیا ہے میری ہستی تک
میری دنیا تری نظر تک ہے
اے مری آہ لوٹ کیوں آئی
جب رسائی در اثر تک ہے
اے دل بے خبر تری منزل
کیا کہوں ایک باخبر تک ہے
ہائے صیاد جرأت پرواز
تو سمجھتا ہے بال و پر تک ہے
اب جو ہوتے نہیں سجود نیاز
دیکھ مغموم سنگ در تک ہے
صرف آنکھیں نہیں ہیں مضطر دید
یہ خلش تو دل و جگر تک ہے
شوق سے ہاں الٹیے آپ نقاب
جلوہ بہزادؔ کی نظر تک ہے
Jalwa bas roo-e-jalwa-gar tak hai
Jalwa bas roo-e-jalwa-gar tak hai
Zindagi aamad-e-sehar tak hai
Sajda-e-shauq mere sar tak hai
Sar mera un ke sang-e-dar tak hai
Teri duniya hai meri hasti tak
Meri duniya teri nazar tak hai
Ay meri aah laut kiyun aayi
Jab rasai dar-e-asar tak hai
Ay dil-e-be-khabar teri manzil
Kya kahoon ek ba-khabar tak hai
Haaye sayyad! Jurrat-e-parwaz
Tu samajhta hai baal-o-par tak hai
Ab jo hote nahin sajood-e-niyaz
Dekh maghmoom sang-e-dar tak hai
Sirf aankhein nahin hain muztar-e-deed
Yeh khalish to dil-o-jigar tak hai
Shauq se haan ultiye aap naqaab
Jalwa Behzad ki nazar tak hai
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں