کہنے کو ہوں ضرور غم دو جہاں سے دور — بہزاد لکھنوی
شاعر
کہنے کو ہوں ضرور غم دو جہاں سے دور
کہنے کو ہوں ضرور غم دو جہاں سے دور
لیکن سکوں نہیں ہے ترے آستاں سے دور
تیرا جمال ہے مرے وہم و گماں سے دور
اس ماہ نیم شب سے الگ کہکشاں سے دور
مجھ کو تو خود تباہیاں اپنی عزیز ہیں
بجلی تڑپ رہی ہے یہ کیوں آشیاں سے دور
مجھ کو نہیں پسند یہ زود اختیاریاں
اے رہنما بتا کہ ہے منزل کہاں سے دور
مجھ کو سمجھ سکے گی نہ یہ چشم کائنات
ہے میری فکر و فہم نگاہ جہاں سے دور
امکان میں نہیں ہیں تقرب کی لذتیں
تصویر رکھ رہی ہے ترے آستاں سے دور
اب تک تری قسم ہے جبین نیاز کو
ملتا نہیں ہے لطف ترے آستاں سے دور
ان کے بھی ظلم سہتا ہوں اس کے بھی جور میں
اک اور آسماں ہے مرے آسماں سے دور
کیا سرزمین غیر تمہیں راس آ گئی
بہزادؔ کیوں پڑے ہو در مہرباں سے دور
Kehne ko hoon zaroor gham do jahan se door
Kehne ko hoon zaroor gham do jahan se door
Lekin sukoon nahin hai tere aastaan se door
Tera jamaal hai mere wahm-o-gumaan se door
Is mah-e-neem shab se alag kehka-shan se door
Mujh ko to khud tabahiyan apni azeez hain
Bijli tadap rahi hai yeh kiyun aashiyaan se door
Mujh ko nahin pasand yeh zod ikhtiyariyan
Ay rehnuma bata ke hai manzil kahan se door
Mujh ko samajh sake gi na yeh chashm-e-kaenat
Hai meri fikr-o-fehm nigah-e-jahan se door
Imkaan mein nahin hain taqarrub ki lazzaten
Tasweer rakh rahi hai tere aastaan se door
Ab tak teri qasam hai jabeen-e-niyaz ko
Milta nahin hai lutf tere aastaan se door
Un ke bhi zulm sehta hoon is ke bhi jaur mein
Ek aur aasman hai mere aasman se door
Kya sarzameen-e-ghair tumhein raas aa gayi
Behzad kyun pade ho dar-e-meherban se door
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں