خدا کو ڈھونڈ رہا تھا کہیں خدا نہ ملا — بہزاد لکھنوی
شاعر
خدا کو ڈھونڈ رہا تھا کہیں خدا نہ ملا
خدا کو ڈھونڈ رہا تھا کہیں خدا نہ ملا
زہے نصیب کہ بندے کو مدعا نہ ملا
نگاہ شوق میں بے نوریوں کا رنگ بڑھا
نگاہ شوق کو جب کوئی دوسرا نہ ملا
ہم اپنی بے خودیٔ شوق پر نثار رہے
خودی کو ڈھونڈھ لیا جب ہمیں خدا نہ ملا
تمہاری بزم میں لب کھول کر ہوا خاموش
وہ بد نصیب جسے کوئی آسرا نہ ملا
ہر ایک ذرہ میں میں خود تو آ رہا تھا نظر
عجیب بات تمہارا کہیں پتہ نہ ملا
بس اک سکون ہی ہم کو نہ مل سکا تا عمر
وگرنہ تیرے تصدق میں ہم کو کیا نہ ملا
تری نگاہ محبت نواز ہی کی قسم
کہ آج تک تو ہمیں تجھ سا دوسرا نہ ملا
ترا جمال فضاؤں میں منتشر تھا مگر
نگاہ شوق کو پھر بھی ترا پتہ نہ ملا
ہزار ٹھوکریں کھائیں ہزار سو بہزادؔ
جہان حسن میں کوئی بھی با وفا نہ ملا
Khuda ko dhoondh raha tha kahin Khuda na mila
Khuda ko dhoondh raha tha kahin Khuda na mila
Zahe naseeb ke bande ko muddua na mila
Nigah-e-shauq mein be-nooriyon ka rang badha
Nigah-e-shauq ko jab koi doosra na mila
Hum apni bekhudi-e-shauq par nisar rahe
Khudi ko dhoondh liya jab humein Khuda na mila
Tumhari bazm mein lab khol kar hua khamosh
Wo bad naseeb jise koi aasra na mila
Har ek zarra mein main khud to aa raha tha nazar
Ajab baat tumhara kahin pata na mila
Bas ek sukoon hi hum ko na mil saka ta umar
Wagarna tere tasadduq mein hum ko kya na mila
Teri nigah-e-mohabbat nawaz hi ki qasam
Ke aaj tak to humein tujh sa doosra na mila
Tera jamal fazaon mein muntashir tha magar
Nigah-e-shauq ko phir bhi tera pata na mila
Hazar thokarein khayeen hazar soo Behzad
Jahan husn mein koi bhi ba wafa na mila
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں