کیا یہ بھی میں بتلا دوں تو کون ہے میں کیا ہوں — بہزاد لکھنوی
شاعر
کیا یہ بھی میں بتلا دوں تو کون ہے میں کیا ہوں
کیا یہ بھی میں بتلا دوں تو کون ہے میں کیا ہوں
تو جان تماشا ہے میں محو تماشا ہوں
تو باعث ہستی ہے میں حاصل ہستی ہوں
تو خالق الفت ہے اور میں ترا بندہ ہوں
جب تک نہ ملا تھا تو اے فتنۂ دو عالم
جب درد سے غافل تھا اب درد کی دنیا ہوں
کچھ فرق نہیں تجھ میں اور مجھ میں کوئی لیکن
تو اور کسی کا ہے بے درد میں تیرا ہوں
مدت ہوئی کھو بیٹھا سرمایۂ تسکیں میں
اب تو تری فرقت میں دن رات تڑپتا ہوں
ارمان نہیں کوئی گو دل میں مرے لیکن
اللہ ری مجبوری مجبور تمنا ہوں
بہزادؔ حزیں مجھ پر اک کیف سا طاری ہے
اب یہ مرا عالم ہے ہنستا ہوں نہ روتا ہوں
Kya yeh bhi main batla doon tu kaun hai main kya hoon
Kya yeh bhi main batla doon tu kaun hai main kya hoon
Tu jaan-e-tamasha hai main mahv-e-tamasha hoon
Tu ba'is-e-hasti hai main hasil-e-hasti hoon
Tu khaliq-e-ulfat hai aur main tera banda hoon
Jab tak na mila tha tu ae fitna-e-do-alam
Jab dard se ghafil tha ab dard ki duniya hoon
Kuchh farq nahin tujh mein aur mujh mein koi lekin
Tu aur kisi ka hai be-dard main tera hoon
Muddat hui kho baitha sarmaya-e-taskeen main
Ab to teri furqat mein din raat tadapta hoon
Armaan nahin koi go dil mein mere lekin
Allah re majboori majboor-e-tamanna hoon
Behzad Hazin mujh par ik kaif sa taari hai
Ab yeh mera alam hai hansta hoon na rota hoon
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں