لب پہ ہے فریاد اشکوں کی روانی ہو چکی — بہزاد لکھنوی
شاعر
لب پہ ہے فریاد اشکوں کی روانی ہو چکی
لب پہ ہے فریاد اشکوں کی روانی ہو چکی
اک کہانی چھڑ رہی ہے اک کہانی ہو چکی
مہر کے پردے میں پوری دل ستانی ہو چکی
بندہ پرور رحم کیجیے مہربانی ہو چکی
میرا دل تاکا گیا جور و جفا کے واسطے
جب کہ پورے رنگ پر ان کی جوانی ہو چکی
جائیے بھی کیوں مجھے جھوٹی تشفی دیجیے
آپ سے اور میرے دل کی ترجمانی ہو چکی
آ گیا اے سننے والے اب مجھے پاس وفا
اب بیاں روداد دل میری زبانی ہو چکی
آخری آنسو مری چشم الم سے گر چکا
سننے والو ختم اب میری کہانی ہو چکی
ہم بھی تنگ آ ہی گئے آخر نیاز و ناز سے
ہاں خوشا قسمت کہ ان کی مہربانی ہو چکی
سننے والے صورت تصویر بیٹھے ہیں تمام
حضرت بہزادؔ بس جادو بیانی ہو چکی
Lab pe hai faryad ashkon ki rawani ho chuki
Lab pe hai faryad ashkon ki rawani ho chuki
Ek kahani chhid rahi hai ek kahani ho chuki
Mehr ke parde mein poori dil-sitani ho chuki
Banda-parwar rehm kijiye, meherbani ho chuki
Mera dil taaka gaya jaur-o-jafa ke waste
Jab ke poore rang par unki jawani ho chuki
Jaaiye bhi kyoun mujhe jhooti tashaffi deejiye
Aap se aur mere dil ki tarjumani ho chuki
Aa gaya ae sunne wale ab mujhe paas-e-wafa
Ab bayan-e-roodad-e-dil meri zabani ho chuki
Aakhri aansu meri chashm-e-alam se gir chuka
Sunne walo, khatm ab meri kahani ho chuki
Hum bhi tang aa hi gaye aakhir niaz-o-naz se
Haan, khusha qismat ke unki meherbani ho chuki
Sunne wale soorat-e-tasweer baithe hain tamaam
Hazrat Behzad, bas jadoo-bayani ho chuki
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں