منزل کی جستجو تھی پہ منزل نہ مل سکی — بہزاد لکھنوی
شاعر
منزل کی جستجو تھی پہ منزل نہ مل سکی
منزل کی جستجو تھی پہ منزل نہ مل سکی
ہم کو کسی طرح تری محفل نہ مل سکی
ہم نے ہر ایک گام کو منزل بنا لیا
آسانیاں تو مل گئیں مشکل نہ مل سکی
غم بھی مسرتوں کی طرح سے ہے عارضی
مایوس غم کو لذت کامل نہ مل سکی
دیکھیں ہزار چشم تمنا نے محفلیں
جس کی تلاش تھی وہی محفل نہ مل سکی
رہرو بھی میرے ساتھ ہی گم گشتہ ہو گئے
اک بار مل کے پھر کبھی منزل نہ مل سکی
جب سے ہوا ہے دست طلب غم سے بے نیاز
دست گدا کو لذت سائل نہ مل سکی
اک بار آ کے پھر کبھی طوفاں نہ آ سکا
کشتئ دل کو دورئ ساحل نہ مل سکی
ہے ماورائے عقل و خرد انتہائے غم
منزل تو مل گئی حد منزل نہ مل سکی
بہزادؔ اس کی زیست کوئی زیست ہی نہیں
جس کو عطائے مرشد کامل نہ مل سکی
Manzil ki justaju thi pe manzil na mil saki
Manzil ki justaju thi pe manzil na mil saki
Hum ko kisi tarah teri mehfil na mil saki
Hum ne har ek gaam ko manzil bana liya
Aasaniyan to mil gayeen mushkil na mil saki
Gham bhi masarraton ki tarah se hai aarzi
Mayoos gham ko lazzat-e-kamil na mil saki
Dekheen hazaar chashm-e-tamanna ne mehfilein
Jis ki talaash thi wohi mehfil na mil saki
Rahrau bhi mere saath hi gumgashta ho gaye
Ek baar mil ke phir kabhi manzil na mil saki
Jab se hua hai dast-e-talab gham se be-niyaz
Dast-e-gada ko lazzat-e-saa'il na mil saki
Ek baar aa ke phir kabhi toofan na aa saka
Kashti-e-dil ko doori-e-sahil na mil saki
Hai maavaraye aql-o-khirad intihaye gham
Manzil to mil gayi hadd-e-manzil na mil saki
Behzad us ki zeest koi zeest hi nahin
Jis ko ataye murshid-e-kamil na mil saki
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں