محبت کی میں زندگی بن گیا ہوں — بہزاد لکھنوی
شاعر
محبت کی میں زندگی بن گیا ہوں
محبت کی میں زندگی بن گیا ہوں
زہے بے خودی بے خودی بن گیا ہوں
محبت کا ہر رنگ دیکھا ہے میں نے
کبھی مٹ گیا ہوں کبھی بن گیا ہوں
عجب حال میں ہوں مرا پوچھنا کیا
تمہارے لبوں پر ہنسی بن گیا ہوں
مرا چاک دامن نہ دیکھو نہ دیکھو
جو تم چاہتے تھے وہی بن گیا ہوں
میں ہر سانس میں ذکر کرتا ہوں تیرا
سراپا میں خود بندگی بن گیا ہوں
وہ نظریں ملیں وہ کوئی مسکرایا
ابھی مٹ گیا تھا ابھی بن گیا ہوں
محبت ہوں میں ہے مجھی سے اجالا
کسی کے لئے روشنی بن گیا ہوں
مٹانے چلا ہوں میں بہزادؔ دیں بھی
محبت میں ایسا سخی بن گیا ہوں
Mohabbat ki main zindagi ban gaya hoon
Mohabbat ki main zindagi ban gaya hoon
Zahe be-khudi be-khudi ban gaya hoon
Mohabbat ka har rang dekha hai main ne
Kabhi mit gaya hoon kabhi ban gaya hoon
Ajab haal mein hoon mera poochhna kya
Tumhare labon par hansi ban gaya hoon
Mera chaak-e-daman na dekho na dekho
Jo tum chahte the wohi ban gaya hoon
Main har saans mein zikr karta hoon tera
Sarapa main khud bandagi ban gaya hoon
Woh nazrein milin woh koi muskuraya
Abhi mit gaya tha abhi ban gaya hoon
Mohabbat hoon main, hai mujhi se ujala
Kisi ke liye roshni ban gaya hoon
Mitaane chala hoon main Behzad, deen bhi
Mohabbat mein aisa sakhi ban gaya hoon
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں