نہ یہ پوچھو کہ کیا یاد آ رہا ہے — بہزاد لکھنوی
شاعر
نہ یہ پوچھو کہ کیا یاد آ رہا ہے
نہ یہ پوچھو کہ کیا یاد آ رہا ہے
محبت میں خدا یاد آ رہا ہے
خلش سی پھر ہوئی پیدا جگر میں
مجھے اک بے وفا یاد آ رہا ہے
حدوں سے بڑھ چلی طوفاں کی تیزی
مجھے اب ناخدا یاد آ رہا ہے
دل بے مدعا آخر ہوا کیا
غم بے مدعا یاد آ رہا ہے
بھرے تھے جس میں کچھ نغمات خاموش
وہ ساز بے صدا یاد آ رہا ہے
دئے ہیں اس قدر دھوکے کسی نے
فریب مدعا یاد آ رہا ہے
محبت ہاں محبت کا مجھے پھر
وہ وقت ابتدا یاد آ رہا ہے
چمکتے ہیں یہ کیوں آنکھوں میں آنسو
کوئی بھولا ہوا یاد آ رہا ہے
وہ محروم جفا بہزادؔ وہ دل
وہ محروم جفا یاد آ رہا ہے
Na ye poochho ke kya yaad aa raha hai
Na ye poochho ke kya yaad aa raha hai
Mohabbat mein Khuda yaad aa raha hai
Khalish si phir hui paida jigar mein
Mujhe ik bewafa yaad aa raha hai
Hadon se badh chali toofaan ki tezi
Mujhe ab nakhuda yaad aa raha hai
Dil be-muddaa aakhir hua kya
Gham be-muddaa yaad aa raha hai
Bhare the jis mein kuch naghmaat khamosh
Woh saaz be-sadaa yaad aa raha hai
Diye hain is qadar dhoke kisi ne
Fareb-e-muddaa yaad aa raha hai
Mohabbat haan mohabbat ka mujhe phir
Woh waqt-e-ibtida yaad aa raha hai
Chamakte hain ye kyoon aankhon mein aansu
Koi bhoola hua yaad aa raha hai
Woh mehroom-e-jafa Behzad woh dil
Woh mehroom-e-jafa yaad aa raha hai
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں