نصیب جب اثر رنگ بوستاں نہ ہوا — بہزاد لکھنوی
شاعر
نصیب جب اثر رنگ بوستاں نہ ہوا
نصیب جب اثر رنگ بوستاں نہ ہوا
پپیہا پھر کبھی مصروف پی کہاں نہ ہوا
اسی کو عشق کی سرشاریاں نصیب رہیں
جہان غم میں جو منت کش فغاں نہ ہوا
زہے وہ حال جو میرے لبوں پہ آ نہ سکا
خوشا وہ قصۂ غم مجھ سے جو بیاں نہ ہوا
ہماری حسن پرستی وفا پرستی ہے
ہمارا دل تھا کہ جو تم سے بد گماں نہ ہوا
اسی کی زندگی الفت کی زندگی ہے کہ جو
تمام عمر محبت میں شادماں نہ ہوا
اسیریوں پہ بھی احساس رہ گیا باقی
قفس قفس ہی رہا ہائے آشیاں نہ ہوا
عجیب بات ترا سنگ آستاں ظالم
مرے سجود محبت سے بد گماں نہ ہوا
مجھے سکون بھری زندگی نہیں مرغوب
یہی خلش ہے کہ نالہ بھی رائیگاں نہ ہوا
تمہارے لطف و کرم کا تو ذکر ہی کیا ہے
تمہارا ظلم بھی بہزادؔ کو گراں نہ ہوا
Naseeb jab asar-e-rang-e-bostaan na hua
Naseeb jab asar-e-rang-e-bostaan na hua
Papiha phir kabhi masroof-e-pi kahan na hua
Usi ko ishq ki sarshaariyan naseeb rahin
Jahan-e-gham mein jo minnat-kash-e-fughaan na hua
Zahe woh haal jo mere labon pe aa na saka
Khusha woh qissa-e-gham mujh se jo bayan na hua
Hamari husn-parasti wafa-parasti hai
Hamara dil tha ke jo tum se bad-gumaan na hua
Usi ki zindagi ulfat ki zindagi hai ke jo
Tamaam umr mohabbat mein shaadmaan na hua
Aseeriyon pe bhi ehsaas rah gaya baaqi
Qafas qafas hi raha haaye aashiyaan na hua
Ajeeb baat tera sang-e-aastaan zaalim
Mere sajood-e-mohabbat se bad-gumaan na hua
Mujhe sukoon bhari zindagi nahin marghoob
Yehi khalish hai ke naala bhi raigaan na hua
Tumhare lutf-o-karam ka to zikr hi kya hai
Tumhara zulm bhi Behzad ko garan na hua
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں