روح روان نغمہ تم نغموں کا سوز و ساز میں — بہزاد لکھنوی
شاعر
روح روان نغمہ تم نغموں کا سوز و ساز میں
روح روان نغمہ تم نغموں کا سوز و ساز میں
جان خیال و خواب تم جان جہان ناز میں
حامل کیف و ناز تم حامل سوز و ساز میں
ایک جہان راز تم ایک جہان راز میں
مانا کہ تم ہو جان عشق میں بھی تو جان حسن ہوں
تم ہو جو جان غزنوی روح تن ایاز میں
منزل حسن و عشق میں دونوں کا مرتبہ ہے ایک
آپ ستم طراز ہیں اور ستم نواز میں
سنگ در جمال ہو یا کہ ہو نقش پائے دوست
سجدوں سے باز رہ سکوں رہ سکوں وہ بھی باز میں
شان کرم ہی خوب ہے شان طلب بھی خوب ہے
جان گدا بنے ہیں آپ جان گدا نواز میں
میری نگاہ آرزو جلووں میں ایسی گم ہوئی
کر نہ سکا کسی طرح جلووں کا امتیاز میں
دیکھیے میری شان ہے آپ کی شان ہے بلند
آپ بنے ہیں رازدار اور بنا ہوں راز میں
تم سے جہان رنگ و بو مجھ سے جہان درد و غم
حسن کرشمہ ساز تم عشق کرشمہ ساز میں
Rooh-e-rawan naghma tum naghmon ka soz-o-saaz mein
Rooh-e-rawan naghma tum naghmon ka soz-o-saaz mein
Jaan-e-khayal-o-khwab tum jaan-e-jahan-e-naaz mein
Haamil-e-kaif-o-naaz tum haamil-e-soz-o-saaz mein
Ek jahan raaz tum ek jahan raaz mein
Mana ke tum ho jaan-e-ishq main bhi to jaan-e-husn hun
Tum ho jo jaan-e-Ghaznavi rooh-e-tan-e-Ayaz mein
Manzil-e-husn-o-ishq mein donon ka martaba hai ek
Aap sitam-taraz hain aur sitam-nawaz mein
Sang-e-dar-e-jamal ho ya ke ho naqsh-e-paa-e-dost
Sajdon se baaz reh sakun reh sakun woh bhi baaz mein
Shaan-e-karam hi khoob hai shaan-e-talab bhi khoob hai
Jaan-e-gada bane hain aap jaan-e-gada-nawaz mein
Meri nigah-e-arzoo jalwon mein aisi gum hui
Kar na saka kisi tarah jalwon ka imtiyaz main
Dekhiye meri shaan hai aap ki shaan hai buland
Aap bane hain raazdar aur bana hun raaz mein
Tum se jahan-e-rang-o-boo mujh se jahan-e-dard-o-gham
Husn-e-karishma-saaz tum ishq-e-karishma-saaz mein
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں