شب تھی نظر میں شام سے پہلے — بہزاد لکھنوی
شاعر
شب تھی نظر میں شام سے پہلے
شب تھی نظر میں شام سے پہلے
واقف تھا انجام سے پہلے
رہبر منزل بن جاتی ہے
یاد تری ہر گام سے پہلے
میرا فسانہ سننے والو
کچھ بھی نہیں اس نام سے پہلے
ہوش تو اب ہے اللہ اللہ
ہوش کہاں تھا جام سے پہلے
کیا ہے یہی انعام محبت
سوچ تو لو الزام سے پہلے
آتے ہی جانے کی کیا سوجھی
بیٹھو تو آرام سے پہلے
یہ تو نہ تھا بہزادؔ کا عالم
عشق کے اس انعام سے پہلے
Shab thi nazar mein shaam se pehle
Shab thi nazar mein shaam se pehle
Waqif tha anjaam se pehle
Rehbar manzil ban jaati hai
Yaad teri har gaam se pehle
Mera fasana sunne walo
Kuch bhi nahin is naam se pehle
Hosh toh ab hai Allah Allah
Hosh kahan tha jaam se pehle
Kya hai yahi inaam-e-mohabbat
Soch toh lo ilzaam se pehle
Aate hi jaane ki kya soojhi
Baitho toh aaraam se pehle
Yeh toh na tha Behzad ka alam
Ishq ke is inaam se pehle
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں