ترے عشق میں زندگانی لٹا دی — بہزاد لکھنوی
شاعر
ترے عشق میں زندگانی لٹا دی
ترے عشق میں زندگانی لٹا دی
عجب کھیل کھیلا جوانی لٹا دی
نہیں دل میں داغ تمنا بھی باقی
انہیں پر سے ان کی نشانی لٹا دی
کچھ اس طرح ظالم نے دیکھا کہ ہم نے
نہ سوچا نہ سمجھا جوانی لٹا دی
تمہارے ہی کارن تمہاری بدولت
تمہاری قسم زندگانی لٹا دی
اداؤں کو دیکھا نگاہوں کو دیکھا
ہزاروں طرح سے جوانی لٹا دی
غضب تو یہ ہے ہم نے محفل کی محفل
سنا کر وفا کی کہانی لٹا دی
جہاں کوئی دیکھا حسیں جلوہ آرا
وہیں ہم نے اپنی جوانی لٹا دی
نگاہوں سے ساقی نے صہبائے الفت
ستم یہ ہے تا دور ثانی لٹا دی
جوانی کے جذبوں سے اللہ سمجھے
جوانی جو دیکھی جوانی لٹا دی
بجھائی ہے پیاس آج دامن کی ہم نے
شراب نظر کر کے پانی لٹا دی
تمہیں پر سے بہزادؔ نے بے خودی میں
کیا دل تصدق جوانی لٹا دی
Tere ishq mein zindagani luta di
Tere ishq mein zindagani luta di
Ajab khel khela jawani luta di
Nahin dil mein dagh-e-tamanna bhi baqi
Unhein par se un ki nishani luta di
Kuch is tarah zalim ne dekha ke hum ne
Na socha na samjha jawani luta di
Tumhare hi karan tumhari badaulat
Tumhari qasam zindagani luta di
Adaon ko dekha nigahon ko dekha
Hazaron tarah se jawani luta di
Ghazab to ye hai hum ne mahfil ki mahfil
Suna kar wafa ki kahani luta di
Jahan koi dekha haseen jalwa ara
Wahin hum ne apni jawani luta di
Nigahon se Saqi ne sahba-e-ulfat
Sitam ye hai ta daur-e-sani luta di
Jawani ke jazbon se Allah samjhe
Jawani jo dekhi jawani luta di
Bujhai hai pyas aaj daman ki hum ne
Sharab-e-nazar kar ke pani luta di
Tumhein par se Behzad, ne bekhudi mein
Kiya dil tasadduq jawani luta di
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں