تجھ پر مری محبت قربان ہو نہ جائے — بہزاد لکھنوی
شاعر
تجھ پر مری محبت قربان ہو نہ جائے
تجھ پر مری محبت قربان ہو نہ جائے
یہ کفر بڑھتے بڑھتے ایمان ہو نہ جائے
اللہ ری بے نقابی اس جان مدعا کی
میری نگاہ حسرت حیران ہو نہ جائے
میری طرف نہ دیکھو اپنی نظر کو روکو
دنیائے عاشقی میں ہیجان ہو نہ جائے
پلکوں پہ رک گیا ہے آ کر جو ایک آنسو
یہ قطرہ بڑھتے بڑھتے طوفان ہو نہ جائے
حد ستم تو ہے بھی حد وفا نہیں ہے
ظالم ترا ستم بھی احسان ہو نہ جائے
ہوتی نہیں ہے وقعت ہوتی نہیں ہے عزت
جب تک کہ کوئی انساں انسان ہو نہ جائے
اس وقت تک مکمل ہوتا نہیں ہے کوئی
جب تک کہ خود کو اپنی پہچان ہو نہ جائے
بہزادؔ اس لئے میں کہتا نہیں ہوں دل کی
ڈرتا ہوں سن کے دنیا حیران ہو نہ جائے
Tujh par meri mohabbat qurban ho na jaye
Tujh par meri mohabbat qurban ho na jaye
Yeh kufr badhte badhte imaan ho na jaye
Allah re be-naqabi us jaan-e-muddaa ki
Meri nigah-e-hasrat hairan ho na jaye
Meri taraf na dekho apni nazar ko roko
Duniya-e-ashiqi mein hejaan ho na jaye
Palkon pe ruk gaya hai aa kar jo ek aansoo
Yeh qatra badhte badhte toofan ho na jaye
Had-e-sitam to hai bhi had-e-wafa nahin hai
Zaalim tera sitam bhi ehsan ho na jaye
Hoti nahin hai waq'at hoti nahin hai izzat
Jab tak ke koi insaan insaan ho na jaye
Is waqt tak mukammal hota nahin hai koi
Jab tak ke khud ko apni pehchan ho na jaye
Behzad isliye main kehta nahin hoon dil ki
Darta hoon sun ke duniya hairan ho na jaye
شاعر کے بارے میں
بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...
مکمل تعارف پڑھیں