زندہ ہوں اس طرح کہ غم زندگی نہیں

زندہ ہوں اس طرح کہ غم زندگی نہیں
جلتا ہوا دیا ہوں مگر روشنی نہیں
وہ مدتیں ہوئی ہیں کسی سے جدا ہوئے
لیکن یہ دل کی آگ ابھی تک بجھی نہیں
آنے کو آ چکا تھا کنارا بھی سامنے
خود اس کے پاس میری ہی نیا گئی نہیں
ہونٹوں کے پاس آئے ہنسی کیا مجال ہے
دل کا معاملہ ہے کوئی دل لگی نہیں
یہ چاند یہ ہوا یہ فضا سب ہیں ماند ماند
جو تو نہیں تو ان میں کوئی دل کشی نہیں

Zinda hoon is tarah ke gham-e-zindagi nahin

Zinda hoon is tarah ke gham-e-zindagi nahin
Jalta hua diya hoon magar roshni nahin
Wo muddatein hui hain kisi se juda hue
Lekin ye dil ki aag abhi tak bujhi nahin
Aane ko aa chuka tha kinara bhi saamne
Khud us ke paas meri hi naiya gai nahin
Honton ke paas aaye hansi kya majal hai
Dil ka mamla hai koi dil lagi nahin
Ye chand ye hawa ye fiza sab hi hain maand maand
Jo tu nahin to in mein koi dil kashi nahin

شاعر کے بارے میں

بہزاد لکھنوی اردو ادب کے معروف شعرا میں شمار ہوتے ہیں، خصوصاً غزل گوئی، فلمی نغمہ نگاری اور کلاسیکی لب و لہجے کی وجہ سے انہیں نمایاں مقام حاصل ہے۔ ...

مکمل تعارف پڑھیں

زندہ ہوں اس طرح کہ غم زندگی نہیں — بہزاد لکھنوی

شاعر