آج بھڑکی رگ وحشت ترے دیوانوں کی — احسان دانش
شاعر
آج بھڑکی رگ وحشت ترے دیوانوں کی
آج بھڑکی رگ وحشت ترے دیوانوں کی
قسمتیں جاگنے والی ہیں بیابانوں کی
پھر گھٹاؤں میں ہے نقارۂ وحشت کی صدا
ٹولیاں بندھ کے چلیں دشت کو دیوانوں کی
آج کیا سوجھ رہی ہے ترے دیوانوں کو
دھجیاں ڈھونڈھتے پھرتے ہیں گریبانوں کی
روح مجنوں ابھی بیتاب ہے صحراؤں میں
خاک بے وجہ نہیں اڑتی بیابانوں کی
اس نے احسانؔ کچھ اس ناز سے مڑ کر دیکھا
دل میں تصویر اتر آئی پری خانوں کی
Aaj bhadki ragh e wahshat tere deewanon ki
Aaj bhadki ragh e wahshat tere deewanon ki
Qismatein jaagne wali hain biyabanon ki
Phir ghataon mein hai naqqara e wahshat ki sada
Toliyan bandh ke chalin dasht ko deewanon ki
Aaj kya soojh rahi hai tere deewanon ko
Dhajiyan dhoondhte phirte hain girebanon ki
Rooh e Majnoon abhi betab hai sehraon mein
Khaak be-wajah nahin udti biyabanon ki
Us ne Ehsan kuch is naaz se mud kar dekha
Dil mein tasveer utar aayi pari khanon ki
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں