عشق ہر چند مصائب سے پریشاں نہ ہوا — احسان دانش
شاعر
عشق ہر چند مصائب سے پریشاں نہ ہوا
عشق ہر چند مصائب سے پریشاں نہ ہوا
نہ ہوا حسن مگر تابع فرماں نہ ہوا
لاکھ دنیا نے یہ چاہا کہ پریشاں ہو مگر
میں ترے غم کی حفاظت میں پریشاں نہ ہوا
دل کی آواز ہو محروم اثر کیا معنی
عشق کافر ہے اگر حسن مسلماں نہ ہوا
درپئے عقدۂ ہستی ہے ازل ہی سے بشر
لیکن اک خاک کے ذرے کا بھی عرفاں نہ ہوا
دل میں ہر خون کا قطرہ ہے تلاطم بکنار
جو مگر آنکھ سے ٹپکا وہی طوفاں نہ ہوا
تو وہ آزاد کہ بے وجہ ہے مجھ سے بھی گریز
میں وہ مجبور کہ دشمن سے بھی نالاں نہ ہوا
اپنی پیغام نوائی کے نتائج میں مجھے
فکر زنداں تو رہا ہے غم زنداں نہ ہوا
جس کے مشرب میں محبت ہو محبت کا جواب
میری تقدیر میں ایسا کوئی انساں نہ ہوا
ایک ہی جلوے سے احسانؔ نظر ہٹ نہ سکی
مجھ سے کچھ اس کے سوا کار نمایاں نہ ہوا
Ishq har chand masaib se pareshan na hua
Ishq har chand masaib se pareshan na hua
Na hua husn magar tabe-e-farman na hua
Lakh duniya ne yeh chaha ke pareshan ho magar
Main tere gham ki hifazat mein pareshan na hua
Dil ki awaz ho mahroom-e-asar kya maani
Ishq kafir hai agar husn musalman na hua
Dar pay-e-uqda-e-hasti hai azal hi se bashar
Lekin ek khak ke zarre ka bhi irfan na hua
Dil mein har khoon ka qatra hai talatum bakinaar
Jo magar aankh se tapka wohi toofan na hua
Tu woh azad ke be wajah hai mujh se bhi gurez
Main woh majboor ke dushman se bhi nalan na hua
Apni paigham nawaai ke nataij mein mujhe
Fikr-e-zindan to raha hai gham-e-zindan na hua
Jis ke mashrab mein muhabbat ho muhabbat ka jawab
Meri taqdeer mein aisa koi insan na hua
Ek hi jalwe se Ehsan, nazar hat na saki
Mujh se kuch is ke siwa kaar-e-numayan na hua
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں