بہار آئی ہے پھر جھوم کر سحاب اٹھا — احسان دانش
شاعر
بہار آئی ہے پھر جھوم کر سحاب اٹھا
بہار آئی ہے پھر جھوم کر سحاب اٹھا
کہاں ہے مطرب رنگیں نوا رباب اٹھا
جواز مے کا مخالف اگر ہے اے واعظ
کہاں لکھا ہے دکھا لا اٹھا کتاب اٹھا
فضا میں کھول دئے ہیں گھٹاؤں نے گیسو
نہیں ہے جام نہ ہو شیشۂ شراب اٹھا
ہر ایک پھول میں رقصاں ہے کائنات جمال
بہار آئی کہ ہے اک محشر شباب اٹھا
کہاں کے دیر و حرم جستجوئے جلوہ گر
یہی نقاب ہے آنکھوں سے یہ نقاب اٹھا
نسیم صبح سے شاخیں ملیں تو میں سمجھا
کہ حسن عالم طفلی میں نیم خواب اٹھا
لباس ماہ میں احسانؔ دیکھ کون آیا
نگاہ سوئے فلک خانماں خراب اٹھا
Bahar aayi hai phir jhoom kar sahab utha
Bahar aayi hai phir jhoom kar sahab utha
Kahan hai mutrib rangeen nawa rabab utha
Jawaaz-e-mai ka mukhalif agar hai ae waaiz
Kahan likha hai dikha la utha kitab utha
Fiza mein khol diye hain ghataon ne gesu
Nahin hai jaam na ho sheesha sharab utha
Har ek phool mein raqsan hai kainat-e-jamal
Bahar aayi ke hai ek mahshar-e-shabab utha
Kahan ke dair o haram justuju-e-jalwa gar
Yehi niqab hai aankhon se yeh niqab utha
Naseem-e-subh se shakhen milin to main samjha
Ke husn-e-alam-e-tifli mein neem-khwab utha
Libas-e-mah mein Ehsan, dekh kaun aaya
Nigah su-e-falak khana-man-kharab utha
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں