جستجو رہرو الفت کی جو کامل ہو جائے — احسان دانش
شاعر
جستجو رہرو الفت کی جو کامل ہو جائے
جستجو رہرو الفت کی جو کامل ہو جائے
شوق منزل ہی چراغ رہ منزل ہو جائے
ہائے یہ جوش تمنا یہ نگوں سارئی عشق
وہ جو ایسے میں چلے آئیں تو مشکل ہو جائے
جستجو شرط ہے منزل نہیں مشروط طلب
گم ہو اس طرح کہ گرد رہ منزل ہو جائے
وصل کا خواب کجا لذت دیدار کجا
ہے غنیمت جو ترا درد بھی حاصل ہو جائے
ضبط بھی صبر بھی امکان میں سب کچھ ہے مگر
پہلے کمبخت مرا دل تو مرا دل ہو جائے
آہ اس عاشق ناشاد کا جینا اے دوست
جس کو مرنا بھی ترے عشق میں مشکل ہو جائے
کامراں ہے وہ محبت جو بنے روح گداز
درد دل حد سے گزر جائے تو خود دل ہو جائے
محفل دوست میں چلتا تو ہوں اے دیدۂ شوق
عشق کا راز نہ افسانۂ محفل ہو جائے
قابل رشک بنے زندگیٔ عشق اس کی
جس کی تو زندگیٔ عشق کا حاصل ہو جائے
اپنے احسانؔ کو تو ہی کوئی تدبیر بتا
جس سے یہ ننگ محبت ترے قابل ہو جائے
Justuju rahrav-e-ulfat ki jo kaamil ho jaaye
Justuju rahrav-e-ulfat ki jo kaamil ho jaaye
Shauq-e-manzil hi chiragh-e-reh-e-manzil ho jaaye
Haaye yeh josh-e-tamanna yeh nigoon saari-e-ishq
Woh jo aise mein chale aayen to mushkil ho jaaye
Justuju shart hai manzil nahin mashroot-e-talab
Gum ho is tarah ke gard-e-reh-e-manzil ho jaaye
Wasl ka khwab kahan lazzat-e-deedaar kahan
Hai ghaneemat jo tera dard bhi hasil ho jaaye
Zabt bhi sabr bhi imkaan mein sab kuchh hai magar
Pehle kambakht mera dil to mera dil ho jaaye
Aah is aashiq-e-nashad ka jeena ae dost
Jis ko marna bhi tere ishq mein mushkil ho jaaye
Kamran hai woh mohabbat jo bane rooh-gudaaz
Dard-e-dil had se guzar jaaye to khud dil ho jaaye
Mehfil-e-dost mein chalta to hoon ae deeda-e-shauq
Ishq ka raaz na afsana-e-mehfil ho jaaye
Qaabil-e-rashk bane zindagi-e-ishq uski
Jis ki tu zindagi-e-ishq ka hasil ho jaaye
Apne Ehsanؔ ko tu hi koi tadbeer bata
Jis se yeh nang-e-mohabbat tere qaabil ho jaaye
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں