آنکھ میں آنسو ہیں احساس مسرت دل میں ہے — احسان دانش
شاعر
آنکھ میں آنسو ہیں احساس مسرت دل میں ہے
آنکھ میں آنسو ہیں احساس مسرت دل میں ہے
ایک فردوس نظارہ آپ کی محفل میں ہے
ہر جفا تیری مناسب ہر ستم تیرا درست
اب وہی میری تمنا ہے جو تیرے دل میں ہے
جب بجز محبوب ہو جاتی ہے اوجھل کائنات
اک مقام ایسا بھی جذب شوق کی منزل میں ہے
فصل گل میں بے تحاشا ہنسنے والو ہوشیار
اضطراب دل کا پہلو بھی سکون دل میں ہے
جس کو دوری سے حضوری میں سوا ہو اضطراب
وہ پریشان محبت کس قدر مشکل میں ہے
دہر کے ہنگامۂ شیخ و برہمن سے بلند
اور بھی ہنگامہ اک گرداب نوح دل میں ہے
اب کوئی شایان جلوہ ہے نہ شایان کلام
تو اسی منزل میں بہتر ہے کہ جس منزل میں ہے
ناسزا ہے اس کے جلووں کی نزاکت کے لئے
وہ غم حاصل جو تیرے عشق کے حاصل میں ہے
میں تو خود اٹھنے کو ہوں بدلو نہ انداز نظر
تم جو کہتے ہچکچاتے ہو وہ میرے دل میں ہے
اپنے مرکز سے ستاروں پر جو کرتا ہوں نظر
جس کو جس منزل میں چھوڑا تھا اسی منزل میں ہے
موم کر دیتی ہے جو فولاد و آہن کا جگر
وہ بھی اک جھنکار آواز شکست دل میں ہے
کون ہے احسانؔ میری زندگی کا رازدار
کیا کہوں کس طرح مرنے کی تمنا دل میں ہے
Aankh mein aansu hain ehsaas-e-masarrat dil mein hai
Aankh mein aansu hain ehsaas-e-masarrat dil mein hai
Ek firdous-e-nazzara aap ki mehfil mein hai
Har jafa teri munasib har sitam tera durust
Ab wahi meri tamanna hai jo tere dil mein hai
Jab ba-juz mehboob ho jaati hai ojhal kaaynat
Ek maqam aisa bhi jazb-e-shauq ki manzil mein hai
Fasl-e-gul mein be-tahasha hansne walo hoshiyar
Iztiraab-e-dil ka pahloo bhi sukoon-e-dil mein hai
Jis ko doori se huzoori mein siwa ho iztiraab
Woh pareshan-e-mohabbat kis qadar mushkil mein hai
Dahr ke hungama-e-sheikh-o-barahman se buland
Aur bhi hungama ek girdab-e-nau'h dil mein hai
Ab koi shayan-e-jalwa hai na shayan-e-kalaam
Tu isi manzil mein behtar hai ke jis manzil mein hai
Na-saza hai uske jalwon ki nazakat ke liye
Woh gham-e-hasil jo tere ishq ke hasil mein hai
Main to khud uthne ko hoon badlo na andaaz-e-nazar
Tum jo kehte hichkicate ho woh mere dil mein hai
Apne markaz se sitaron par jo karta hoon nazar
Jis ko jis manzil mein chhora tha usi manzil mein hai
Mom kar deti hai jo faulad-o-aahan ka jigar
Woh bhi ek jhankār aawaaz-e-shikast-e-dil mein hai
Kaun hai Ehsanؔ meri zindagi ka raazdaar
Kya kahoon kis tarah marne ki tamanna dil mein hai
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں