اب کہو کارواں کدھر کو چلے — احسان دانش
شاعر
اب کہو کارواں کدھر کو چلے
اب کہو کارواں کدھر کو چلے
راستے کھو گئے چراغ جلے
آنسوؤں میں نہا گئیں خوشیاں
روٹھ کر جب وہ آ لگے ہیں گلے
عشق غم کو عبور کر نہ سکا
راستے کارواں کے ساتھ چلے
ہم پہ گزری ہیں ہجر کی راتیں
ہم جہنم میں تھے مگر نہ جلے
تھے محبت کی ابتدا کے قصور
وہ تبسم جو آنسوؤں میں ڈھلے
خاک سے سینکڑوں اگے خورشید
ہے اندھیرا مگر چراغ تلے
چاند ساکت ہے رک گئے تارے
اب وہ آئیں تو غم کی رات ڈھلے
مے کدے کا تو ذکر بھی ہے گناہ
اب حیات حرم پڑی ہے گلے
پرسش حال کا جواب تھا کیا
ہنس پڑے ہم کہ جلد بات ٹلے
Ab kaho karwan kidhar ko chale
Ab kaho karwan kidhar ko chale
Raaste kho gaye charagh jale
Aansuon mein naha gayin khushiyan
Rooth kar jab woh aa lage hain gale
Ishq gham ko uboor kar na saka
Raaste karwan ke sath chale
Hum pe guzri hain hijr ki raatein
Hum jahannum mein the magar na jale
The mohabbat ki ibteda ke qasoor
Woh tabassum jo aansuon mein dhale
Khaak se sainkadon uge khursheed
Hai andhera magar charagh tale
Chand saket hai ruk gaye tare
Ab woh aayen to gham ki raat dhale
Maykade ka to zikr bhi hai gunah
Ab hayat e haram padi hai gale
Pursish e haal ka jawab tha kya
Hans pade hum ke jald baat tale
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں