اگر محبت کے مدعی ہو تو یہ رویہ روا نہیں ہے — احسان دانش
شاعر
اگر محبت کے مدعی ہو تو یہ رویہ روا نہیں ہے
اگر محبت کے مدعی ہو تو یہ رویہ روا نہیں ہے
جو شکوہ ہے روبرو نہیں ہے جو بات ہے برملا نہیں ہے
یہ روز تجدید عہد الفت یہ روز پیمان دل نوازی
ہزار تسلیم کر رہا ہوں مگر یقین وفا نہیں ہے
ہے تیرے کافر شباب سے خوب میری معصوم مے گساری
سرور کی ایک حد ہے قائم غرور کی انتہا نہیں ہے
عجب نہیں زحمت وفا سے مجھے کسی دن نجات دے دے
یہی مری بے زباں محبت جو در خور اعتنا نہیں ہے
نہ جانے کس کس سے دل لگا کر وفا سے مایوس ہو چکا ہوں
نظر پریشان شش جہت ہے کوئی بھی درد آشنا نہیں ہے
جتا کے مجبوریٔ محبت امید مہر و وفا کے معنی
میں خود ہوں اپنا سکون دشمن کسی کی کوئی خطا نہیں ہے
بجا بجا بے شمار عارض نظر نظر کو ترس رہے ہیں
مگر یہ دل کا معاملہ ہے نگاہ کا واسطہ نہیں ہے
Agar mohabbat ke mudda'ee ho to ye ravayyah rawa nahin hai
Agar mohabbat ke mudda'ee ho to ye ravayyah rawa nahin hai
Jo shikwa hai roobaru nahin hai jo baat hai bar-mala nahin hai
Ye roz-e-tajdeed-e-ahd-e-ulfat ye roz-e-paiman-e-dil-nawazi
Hazaar tasleem kar raha hoon magar yaqeen-e-wafa nahin hai
Hai tere kafir shabab se khoob meri masoom mai-gusari
Saroor ki ek had hai qaim gharoor ki inteha nahin hai
Ajab nahin zahmat-e-wafa se mujhe kisi din nijaat de de
Yehi meri be-zabaan mohabbat jo dar-khor-e-e'tena nahin hai
Na jaane kis kis se dil laga kar wafa se mayoos ho chuka hoon
Nazar pareshaan shash-jihat hai koi bhi dard-aashna nahin hai
Jita ke majboori-e-mohabbat ummeed-e-mehr o wafa ke ma'ani
Main khud hoon apna sukoon dushman kisi ki koi khata nahin hai
Baja baja be-shumar aariz nazar nazar ko taras rahe hain
Magar ye dil ka muamala hai nigah ka wasta nahin hai
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں