بسا اوقات مایوسی میں یہ عالم بھی ہوتا ہے — احسان دانش
شاعر
بسا اوقات مایوسی میں یہ عالم بھی ہوتا ہے
بسا اوقات مایوسی میں یہ عالم بھی ہوتا ہے
تبسم کی تہوں میں اہتمام غم بھی ہوتا ہے
خوشی تنہا نہیں آتی جلو میں غم بھی ہوتا ہے
جہاں ہنستی ہیں کلیاں گریۂ شبنم بھی ہوتا ہے
نئی تہذیب کے معمار شاید اس سے غافل ہیں
بہ ایں آثار عالم درہم و برہم بھی ہوتا ہے
جو آنکھیں گھونگھٹوں میں روز کے فاقوں سے پر نم ہیں
ان آنکھوں میں فسون عصمت مریم بھی ہوتا ہے
بہ ایمائے خرد تم دیکھتے ہو جس کو نفرت سے
وہ دیوانہ خرد کی اصل کا محرم بھی ہوتا ہے
رباب زندگی کے زمزموں پر جھومنے والے
ہر اک نغمے میں نا معلوم سا ماتم بھی ہوتا ہے
وہ انساں ناز کرتا ہے جو اول سے شرافت پر
بہکتا ہے تو ننگ عظمت آدم بھی ہوتا ہے
جوانی سیل شعر و بادۂ نغمہ سہی لیکن
یہ طوفان لطافت خود بخود مدھم بھی ہوتا ہے
جسے کوئی سمجھ لے سادگی سے حاصل ہستی
وہ جب حاصل نہیں ہوتا تو آخر غم بھی ہوتا ہے
تبسم پھول برساتا ہے جن رنگین ہونٹوں سے
انہی ہونٹوں پہ اک دن نالۂ پیہم بھی ہوتا ہے
بجز ذات خدا احسانؔ کوئی بھی نہیں اپنا
سنا تھا لاکھ دشمن ہوں تو اک ہمدم بھی ہوتا ہے
Basa auqat mayusi mein ye aalam bhi hota hai
Basa auqat mayusi mein ye aalam bhi hota hai
Tabassum ki tahon mein ehtimam-e-gham bhi hota hai
Khushi tanha nahin aati jalo mein gham bhi hota hai
Jahan hansti hain kaliyan girya-e-shabnam bhi hota hai
Nayi tahzeeb ke memaar shayad is se ghafil hain
Ba-ain-e-aasaar-e-aalam darham o barham bhi hota hai
Jo aankhen ghoonghaton mein roz ke faaqon se pur nam hain
Un aankhon mein fusoon-e-ismat-e-Maryam bhi hota hai
Ba-eema-e-khirad tum dekhte ho jis ko nafrat se
Wo deewana-e-khirad ki asl ka mehram bhi hota hai
Rabaab-e-zindagi ke zamzamon par jhoomne wale
Har ek naghme mein na-maloom sa maatam bhi hota hai
Wo insaan naaz karta hai jo awwal se sharafat par
Bahakta hai to nang-e-azmat-e-Adam bhi hota hai
Jawani sail-e-sher-o-bada, naghma sahi lekin
Ye toofan-e-latafat khud ba khud madham bhi hota hai
Jise koi samajh le saadgi se hasil-e-hasti
Wo jab hasil nahin hota to aakhir gham bhi hota hai
Tabassum phool barsata hai jin rangeen honton se
Inhi honton pe ek din nala-e-paiham bhi hota hai
Bajuz zaat-e-Khuda Ehsan, koi bhi nahin apna
Suna tha lakh dushman hon to ek hamdam bhi hota hai
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں