بچھڑ کر ان سے یوں غم میں گزاری زندگی ہم نے — احسان دانش
شاعر
بچھڑ کر ان سے یوں غم میں گزاری زندگی ہم نے
بچھڑ کر ان سے یوں غم میں گزاری زندگی ہم نے
سحر تاریک دیکھی سرخ پائی چاندنی ہم نے
ہمیں دعویٰ نہیں تنہا نباہی دوستی ہم نے
محبت کو سنبھالا ہے کبھی تم نے کبھی ہم نے
خوشی غم میں نظر آئی خوشی میں غم نظر آیا
ابھی دنیا پہ ڈالی تھی نگاہ سرسری ہم نے
بڑی بے چارگی نکلی بہت ہی نارسی پائی
ازل کے روز بڑھ کر لے تو لی تھی بندگی ہم نے
جہاں ساز محبت پر مغنی گا نہیں سکتا
وہاں نغمہ الاپا ہے کبھی تم نے کبھی ہم نے
تمہیں ہو گے نگاہ شوق کا مرکز تمہیں ہو گے
اگر اس زندگی کے بعد پائی زندگی ہم نے
ہمارے سامنے ہر وقت انجام شکایت تھی
کہی کو ان کہی کر دی سنی کو ان سنی ہم نے
بھرے گی اس میں رنگ احسانؔ دنیا انقلابوں سے
لہو سے اپنے اک تصویر ایسی کھینچ دیں ہم نے
Bichhad kar un se yun gham mein guzari zindagi ham ne
Bichhad kar un se yun gham mein guzari zindagi ham ne
Sahar tareek dekhi surkh payi chandni ham ne
Hamein dawa nahin tanha nibhai dosti ham ne
Mohabbat ko sanbhala hai kabhi tum ne kabhi ham ne
Khushi gham mein nazar aayi khushi mein gham nazar aaya
Abhi dunya pe daali thi nigah sarsari ham ne
Badi be-charagi nikli bahut hi na-rasi payi
Azal ke roz badh kar le to li thi bandagi ham ne
Jahan saaz-e-mohabbat par mughanni ga nahin sakta
Wahan naghma alapa hai kabhi tum ne kabhi ham ne
Tumhein ho ge nigah-e-shauq ka markaz tumhein ho ge
Agar is zindagi ke baad payi zindagi ham ne
Hamare samne har waqt anjaam-e-shikayat thi
Kahi ko an-kahi kar di suni ko an-suni ham ne
Bharen ge is mein rang Ehsan, dunya inqlabon se
Lahu se apne ek tasweer aisi kheench di ham ne
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں