ہنگامۂ خودی سے تو بے نیاز ہو جا — احسان دانش
شاعر
ہنگامۂ خودی سے تو بے نیاز ہو جا
ہنگامۂ خودی سے تو بے نیاز ہو جا
گم ہو کے بے خودی میں آگاہ راز ہو جا
حد بھی تو چاہیئے کچھ بے اعتنائیوں کی
غارت گر تحمل تسکیں نواز ہو جا
اے سرمدی ترانے ہر شے میں سوز بھر دے
یہ کس نے کہہ دیا ہے پابند ساز ہو جا
غیرت کی چلمنوں سے آواز آ رہی ہے
محو نیاز مندی آ بے نیاز ہو جا
آ مل کے پھر بنائیں مے خانۂ محبت
میں جرعہ کش بنوں تو پیمانہ ساز ہو جا
سینے میں سوز بن کر کب تک چھپا رہے گا
عنوان رازداری تفصیل راز ہو جا
اب سو چکی امیدیں اب تھک چکیں نگاہیں
جان نیاز مندی مصروف ناز ہو جا
سوز نظر سے چھلکیں نغمات راز ہستی
اے عقدۂ تغافل روداد ناز ہو جا
احسانؔ کاش اٹھیں یہ رنگ و بو کے پردے
اے محفل حقیقت بزم مجاز ہو جا
Hangama-e-khudi se tu be-niyaz ho ja
Hangama-e-khudi se tu be-niyaz ho ja
Gum ho ke be-khudi mein aagah-e-raaz ho ja
Had bhi to chahiye kuchh be-e'tinaiyon ki
Gharat gar-e-tahammul taskeen-nawaz ho ja
Ae sarmadi tarane har shai mein soz bhar de
Ye kis ne keh diya hai paband-e-saaz ho ja
Ghairat ki chilmanon se aawaz aa rahi hai
Mahv-e-niyazmandi aa be-niyaz ho ja
Aa mil ke phir banayen mai-khana-e-mohabbat
Main jur'a kash banun tu paimana-saaz ho ja
Seene mein soz ban kar kab tak chhupa rahega
Unwaan-e-razdari tafseel-e-raaz ho ja
Ab so chuki ummeedein ab thak chukeen nigahein
Jaan-e-niyazmandi masroof-e-naaz ho ja
Soz-e-nazar se chhalkein naghmat-e-raaz-e-hasti
Ae uqda-e-taghaful roodad-e-naaz ho ja
Ehsan! Kash utthen ye rang o bu ke parde
Ae mahfil-e-haqeeqat bazm-e-majaz ho ja
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں