حوصلے مایوس ذوق جستجو ناکام ہے — احسان دانش
شاعر
حوصلے مایوس ذوق جستجو ناکام ہے
حوصلے مایوس ذوق جستجو ناکام ہے
یہ دل نا محرم انجام کا انجام ہے
آنکھ کیا ہے حسن کی رنگینیوں کا آئنہ
دل ہے کیا خون تمنا کا چھلکتا جام ہے
دیجیے بیمار الفت کی جگر داری کی داد
نزع کا عالم ہے ہونٹوں پر تمہارا نام ہے
پھر وہ یاد آئے ہوئی مدہوش دل کی کائنات
پھر اٹھا درد جگر پھر کچھ مجھے آرام ہے
خاکدان دہر میں تسکین کا جویا نہ ہو
آہ جب تک دل دھڑکتا ہے کہاں آرام ہے
وہ تو دل میں درد کی دنیا بسا کر چل دئے
مجھ کو ہر تار نفس اک موت کا پیغام ہے
واصل مضراب خاموشی ہے ہر تار نفس
اس سے کہہ دو اب ترے بیمار کو آرام ہے
کر رہا ہوں دوستوں کے زعم پر ترک وطن
شاید اب آغاز دور گردش ایام ہے
Hausle mayus zauq-e-justajoo nakaam hai
Hausle mayus zauq-e-justajoo nakaam hai
Ye dil-e-na-mahram-e-anjam ka anjam hai
Aankh kya hai husn ki ranginiyon ka aaina
Dil hai kya khoon-e-tamanna ka chhalakta jam hai
Deejiye bemar-e-ulfat ki jigar-dari ki dad
Naza ka aalam hai honton par tumhara naam hai
Phir wo yaad aaye hui madhosh dil ki kainat
Phir utha dard-e-jigar phir kuchh mujhe araam hai
Khakdan-e-dahar mein taskeen ka joya na ho
Aah jab tak dil dhadakta hai kahan araam hai
Wo to dil mein dard ki duniya basa kar chal diye
Mujh ko har taar-e-nafas ik maut ka paigham hai
Wasil-e-mizrab-e-khamoshi hai har taar-e-nafas
Is se kah do ab tere bemar ko araam hai
Kar raha hoon doston ke zaam par tark-e-watan
Shayad ab aghaz-e-daur-e-gardish-e-ayyam hai
شاعر کے بارے میں
احسانؔ دانش اردو کے اُن ممتاز اور منفرد شاعروں میں شمار ہوتے ہیں جن کی زندگی خود جدوجہد، محنت اور خودداری کی عملی تصویر تھی۔ ان کا اصل نام احسان ال...
مکمل تعارف پڑھیں